حاجات لو موجوده تبقى انت اكيد ف مصر

فية حاجات كتير اوى بنقابلها فى حياتنا بتعرفنا اننا موجودين فى مصر


فعلا والله الحاجات دي حقيقة مش افتكسات مثلا زى اية



1


لو انت قاعد على النت فى امان الله وشغال شات ومهيس

فجاة تلاقى النت فصل

ساعتها فعلا تعرف انك فى مصر

2

لما تبقى ماشى فى امان الله فى الشارع وواحد ملوش اى لزمة يجى يفتشك ويهينك ويبهدلك

وتاكلك جوز اقلام على قفاك

ساعتها فعلا تعرف انك فى مصر

3
اما تبقى واقف فى طابور عيش بقالك ساعة مستنى الدور

وتلاقى واحد جى من ورا خالص ويقول للى بيبيع صباح الخير يا ابو لبنى

تلاقى العيش راح لحد عندة من غير طابور

ساعتها تعرف انك فى مصر

4
لما تبقى بتصلى فى الجامع وتخرج من الجامع وفجاة متلقيش الشبشب

ساعتها فعلا تعرف انك فى مصر

5
لما تلاقى نص تلفونات الشباب عليها كليب العنب العنب بتاع سعد الصغير ودينا

ساعتها فعلا تعرف انك فى مصر

6

لما تعوز تجرب سماعة الموبيل تقوم تتصل بالنجدة عشان تجرب الصوت وتشتم فى الراجل

الى قاعد عشان يحمينا

ساعتها فعلا تعرف انك فى مصر

7

لما تبقى فى مترو وتلاقى واحد زى النطع قاعد على كرسى

وجمبية ست كبيرة واقفة على رجلها

ساعتها فعلا تعرف انك فى مصر

8

لما بعلبة سجاير بوكس تشترى نص موظفين مصر

وتخلص مصالحك فى ربع ساعة

ساعتها فعلا تعرف انك فى مصر

9

لما تبقى راجل وتدخل الشات باسم بنت

وفاء او هناء او لبنى عشان تكلم البنات

ساعتها فعلا تعرف انك فى مصر

10

لما يضيع من عمرك سنه ولا اتنين ولا تلاته

فى الكليه عشان مش معاك فلوس تجيب بيه الكتاب

والدكتور ميقدرش ظروفك ويسقطك

يبقى انت اكيد اكيد فى مصر