هتسمع و لا هتعلي الكاسيت و تطنش ؟؟؟؟؟

لا قبلك زلا بعدك ياجميل
موضوع وكلام في الجووووون
فعلا هيا دي الحقيقه والواقع الي عيشينه

بس البنت هيا السبب لانها هيا الي بتسمح للولد انو يتجرا ويتكلم معاها
لو هيا فعلا محترمه وعندها خلق علي حق مكنتش تسمح بكده
بس اللوم موش عليها لوحدها بيرجع لاهلها والمجتمع بردو

وبردو كذلك الشاب مش بيراعي ربنا في تعامله
مبيفمرش في لحظه ان اختو ممكن تكون في نفس الموقف
وزي ماهو بيضحك علي البنات وبيملي دماغهم بكلامو المعسووول
مهو بردو البنت دي ممكن اختك تتحط في مكانها او اي بنت في عيلت
والي مترضهوش لنفسك مترضوش لغيرك

وربنا يهدي البنات والشباب وامه المسلمين جميعا
وربنا يستر علينا ياااااااااااااارب

وميرسي ياقمرايه علي الموضوع
في غايه الجمال والروعه

توتاااااااااااا

ياااااجميل ده انتى مرورك احلى من التوبيك كله
ميرسي ليكى يا قمرى
منووووووووره

والله تسلمي يا ساندرا موضوع جامد جدا والله

الي كل اخواتي البنات
البنت هي اللي بايديها تخلي الولد يحترمها ومش الولد بس والمجتمع كله
وبايديها تشوه صورتها ادام الدنيا كلها
بس طبعا انا من رأيي الشخصي انا مش بيعجبني النوع ده من البنات
بصراحة مش بحترمهم
مفيش احسن من البنت المحترمة اللي محافظة علي نفسها وعلي صورتها ادام الناس
ومحافظة علي صورة اهلها


اما بالنسبة لينا بقي
فانا فعلا معاكي يا ساندرا
في شباب كتير اوي ما يعرفوش يعني ايه مسئولية
وكل اللي بيعملو انو ياخد المصروف من بابا
وينزل ياخد العربية اللي مركونة تحت البيت من وراه ده طبعا بعد ما يقلب المفتاح من درج المكتب
ويروح يلف بيها مع شوية الصيع اصحابه ويتريق علي ده ويضحك علي ده
وفي الاخر يا عيني ابوه الغبلان يروح يلاقي مخالفات مش عارف بكام الف
بس والله في رجالة برضه
معلش انا مش بقول ما نروشش علي نفسنا
لا نروش وكل حاجة بس يا جماعة نبقي رجالة ونحس باهالينا شوية
يعني هما مثلا مش جايبين الفلوس دي من حرام عشان انت تروح تصرفها في تفاهات وتشرب بيها سجاير وخلافه
ومفيش مانع انك برضه تشيل المسئولية مع اهلك وتشتغل والشغل مش عيب
يعني انا مثلا بشتغل في شركة كمبيوتر وانترنت
وقت ساعتها بقي هتحس فعلا بقيمة الفلوس اللي انت ماسكها في ايديك
ووقت ما تجيب هدية للانسانة اللي انت بتحبها هتبقي من جيبك الشخصي
مش من جيب بابا ولا ماما
وطبعا ما ينفعش اننا نتريق علي اي بنت مهما كانت نعرفها او ما نعرفهاش
لاني ببساطة عندي اخت بنت
وكما تدين تدان
ولو مش في اختي هتبقي في اي قريب
فالواحد بيتقي ربنا احسن
ومفيش احسن من الاصول
وانا الحمد لله كل اللي بعرفهم زي اخواتي سواء في الكلية او بره الكلية
وكلهم عارفين كده وفي احترام متبادل
بس يا ساندرا متهيالي ان الولد او البنت اللي بتتكلمي عنهم دول مش هنا في احلامنا

بس سيبك انتي والله موضوع جامد اوي
اموت انا

هههههههههههههههههههههه
ايه المرور الجامد ده
حلو اوى الكلام ده يا محمد
بس انا بالفت نظر احلامنا للقضيه ذات نفسها
مش معنى انى حطيت الموضوع يبقى فيه حد وسطنا كده
مناقشه ظاهره موجوده ونعرف بيها وجهه النظر
وميرسي ليك ع المرور الكريم

ميرسي ليكي انتي يا جميل علي الموضوع الهايل ده
حقيقي مووضوع جميل اوي ويستاهل اننا نحييكي عليه
وبقول لكل اخواتي الصبيان والبنات
والله مفيش احسن من انك تراعي ربنا في تصرفاتك
وشكرا يارب تكون المعلومة وصلت

وووووووصلت
وميرسي ع المتابعه

بجد موضوع حلو وجميل ويستاهل انه يكون انذار الخطر اللى نفوق بيه كل الشباب والبنات والحل من وجهه نظرى فى الموضوع المطروح هو الاسلام انا مش تبع الاخوان او متتطرف دينى انا شاب عايش وشايف روح الموضوع ومقتنع تماما ان الدين هو اساس المعاملات الانسانيه المحترمه قبل دور الاسرة والجامعه والمجتمع المحيط بينا او العادات الغريبه اللى كل يوم بنكتسب منها حاجات غريبه احنا مش عارفين ممكن توصلنا لحد فين لو كل واحد دور فى مثلث شخصيته النفسيه هيلاقى ضلع علاقته بربنا فيه خلل اونقص لو حاول بس مجرد المحاوله هيلاقى نفسه احسن لان ربنا بيحبنا وعاوز الخير لينا بس احنا نحاول

ميرسي على المرور الكريم وربنا يهدى الكل يارب
ومنور المنتدى معانا من جديد