مرايه ................ونتيجه ............... وساعه ................ وقميص ابيض ؟؟؟

عندك مراية في بيتكم؟

طب معلق نتيجة على الحيطة جنب الساعة اللي بتعد ساعات العمر؟

معاك ورقة وقلم أو فاتح ملف Word على الكمبيوتر مش فارقة!

جواك شجاعة كبيرة وقادر تواجه أخطر الحقائق وأشدها فزعا؟

لو إجابتك عن كل الأسئلة اللي فاتت دي بأيوه..

يبقى حلو قوي شمر بقى كم القميص وخش في الموضوع عدل..

اما لو كانت الإجابة عن نفس الأسئلة بـ"لا"..

فإحم.. يبقى شمر كم القميص وخش برضه في الموضوع عدل!

تخيل إنك قعدت مع نفسك على انفراد ....ايوه انفردت بنفسك بعد الفطار وكلمتها

الحوار بقى هيكون شكله إيه..

كده..؟؟
***

أنت: مساء الخير

نفسك: يسعد مساك يا سيدي.. نعم أي خدمة؟

أنت: بالراحة عليّ شوية.. عادي يعني.. كنت عاوز نقعد مع بعض شوية.

نفسك: ليه يعني صاحبي.. صديقي.. خطيبي.. جوزي ومخلفة منك عيال!

أنت: يا ستي ده إنتِ نفسي.. مش لازم يعني يكون فيه سبب عشان نتكلم مع بعض..

نفسك: اتفضل يا سيدي.. سمعني..

أنت: مش عارف.. حاسس إن أنا غلطت لما اتخانقت مع ماما النهارده الصبح..

نفسك:مش هي يا سيدي اللي مارضيتش تديك فلوس عشان تشتري كتب الجامعة..

أنت: إنت هتستعبطي ولا إيه.. ما أنا وإنت عارفين إني خدت منها فلوس الكتب قبل كده 3 مرات بعد ما أخدتهم من بابا 4 مرات وبرضه ماشترتش الكتب!

نفسك: آه والله في دي عندك حقك.. ما هو إنت اللي بتصرف فلوسك دايما على البنات، ده حتى في رمضان قال إيه بتجيب لهم شيكولاتة وابقوا كلوها بعد الفطار وافتكروني.. سم كده!

أنت: طب خلاص خلاص هو لازم يعني تشدي عليّ كده في كل مرة.. خلاص ماعدتش هاعمل كده تاني.. بس لازم أعتذر لماما صح..
صح؟

نفسك: طبعا.. قوم هز طولك بدل ما إنت قاعد قدامي كده.. روح يا شيخ.. جيل فاشل يقطع الخلف!

***

ولا كده؟
***

أنت: مساء الخير

نفسك: مساء الخير يا عسل.. ما تاخد لك نفس طيب.. كح كح!

أنت: لا يا ستي.. ما هو أنا أصلا جاي لك عشان كده.

نفسك وهي تنفخ الدخان في وجهك: فووووووو.. وماله يا حبيبي اتفضل اتفضل..

أنت: بصراحة... أنا عاوز أبطل شرب سجاير وشيشة..

تقف نفسك في قلب الصالة وهي تضع يدها في وسطها قائلة لك: نعم يا عمر.. تبطل شرب!

أنت: عمر مين يا ستي.. إنتِ نسيتِ اسمي ولاّ إيه.. وبعدين فيها إيه.. أيوه أنا عاوز أبطل شرب سجاير وشيشة.. بصراحة باصرف عليهم فلوس بالهبل وصحتي بقت زيرو.. ده أنا لما باطلع السلم بانهج وكأني شايل جبل المقطم على صدري.. وأنا ساكن في الدور التاني ما بالك بقى لو كنت ساكن في الدور الخامس ولا السادس؟!

نفسك: عادي يعني هتحس إنك شايل جبل المقطم والجبل الأخضر.. جيل مرق خيخة!

أنت: قولي عليّ زي ما تقولي.. بس أنا قررت.. مافيش سجاير ولا شيشة بعد النهارده، إيه قولك بقى؟

نفسك: خلاص يا عم إنت أدرى بنفسك.. بس اسحب لك نفس من السيجارة دي طالما هتبطل بقى..

أنت: يا ستي باقول لك هابطل هابطل..

نفسك: يعني كنت كابتن مصر وهتبطل كورة ما تبطل يا سيدي.. باقول لك ده آخر نفس، مالوش تأثير يعني..

أنت: تفتكري؟

نفسك تشير لك بعلامة "كده" ثم تقدم لك السيجارة التي تلتقطها في سرعة أدهشتك أنت شخصيا.. لحظات ويمتلئ المكان بالدخان.. كح كح.. مش تفتح شيش البلكونة طيب؟!

***

شفت بقى، آدي الحوارات ولا بلاش!

عرفت ليه لازم يكون عندك في البيت ساعة ونتيجة..؟

عشان تبص على الأيام اللي راحت من عمرك..

وعرفت ليه إنت محتاج مراية؟

عشان تشوف فيها نفسك على حقيقتها.. وتقف قصادها وتسألها هي الأيام والساعات اللي راحت دي راحت في إيه؟ والأفعال اللي قمت بيها كانت صح ولا غلط؟

خايف؟
ماتخافش.. صحيح إن كتير من الحكماء قالوا إن أكبر عدو ممكن تقابله في حياتك هو نفسك، وصحيح كلنا عارفين إن النفس -عادة- ما تأمر صاحبها بالسوء، بس خليك شجاع، واستفيد من أيام رمضان الحلوة المباركة دي.

أيوه أيام رمضان اللي كتير فينا بيعتبرها "نقطة فاصلة" بتغير حاجات كتيييييييييير قوي في حياته..

أيام رمضان اللي النفوس بتكون فيها أهدأ..

واللي الناس بتكون فيها أقرب إلى ربنا..

وبالتالي بتكون أقدر على إنها تكون صادقة مع نفسها..

فاقعد مع نفسك وحاسبها بالورقة والقلم..

لقيت نفسك غلطان..

عادي ماتزعلش..اعرف إنك غلطت وحاول تصحح الغلط ده لو تقدر.. ماقدرتش والوقت فات.. خليك فاكر وأكيد عمرك ما هتغلط نفس الغلطة دي تاني..

لقيت نفسك عملت حاجات كتير صح وخير

–وده صعب يعني بس ما علينا!- حلو قوي.. اثبت على كده يا عم.. ودرب نفسك على فعل الخير وحب عمله..

يعني في الحالتين إنت كسبان كسبان..

محاسبة النفس دي زي كده ما الواحد يكون عنده قميص -ولا مؤاخذة- مش نضيف.. وبعدين يغسله بمسحوق معتبر.. بعدها يرجع أبيض زي الفل.. زي الأول بالظبط.. صحيح القميص
ممكن يتوسخ تاني.. بس ممكن برضه مايتوسخش والأهم.. إنه رجع أبيض..

انت بقى

قعدت مع نفسك قبل كده وحاسبتها..
والنتيجة كانت إيه طيب؟

ولو قعدت دلوقت مع نفسك

يا ترى هتقول إيه والنتيجة هتكون إيه؟

شكرررررررررررررا
موضوع مثير ومشوق

ميرسي على مرورك
نورت الموضوع

ايه يا بنتي ده بتجيبي الحاجات دي منين
اكيد طبعاا فهماني
انا كده دخلت في نظام القرررر
ههههههههههههه
موووضوووع بجد رائع
ربنا ما يحرمنا منك
يااااااااااااااارب

اية دة على فكرة واللهى انا ساعات بكلم نفسى فى المراية لما اكون متضايق اوى من حاجة بس بجد الموضوع كويس جد

لالالالالالالالالالا ياساسو
انتى بتقرررررررررررى
لا العفووووووووو
وميرسي على مروووورك منوره الموضوع

وميرسي ليك يا ميدو على مرورك
وماتقلقش انك تكلم نفسك في المرايه
دى بقيت ظاهره صحيه
ياريتها تيجى على حد المرايه بس
ومايجيش علينا يوووم
نمشي نكلم نفسنا في الشارع
نوووووورت الموضوع بمرورك الهايل

الله موضوع جميلللللللللللللللللل اووي و الف شكر

جميل جدا الموضوع يا ساندرا
تسلم ايديكي والله يا بنتي
هي دي المواضيع ولا بلاش

ميدو

مرايه ................ونتيجه ............... وساعه ................ وقميص ابيض ؟؟؟ I-love-so-much

ههههههههههههههه

موضوعك جميل جدا ويستحق التثبيت

وفعلا الواحد ساعات بيتهبل ويكلم نفسه في المرايه

بس بيكلم نفسه في حاجات تانيه خالص غير دي

العفوو يا عصام
نورت الموضوع بمرورك

وتسلملى يا ميدو يارب
وميرسي على مرورك الجميل

باش مهندس احمد
ميرسي ليك جدا على مرورك
نورت والله الموضوع

ميرسي ياقمرايه
موضوع زي العسل
وفعلا لازم نواجه نفسنا
ونعقبها في الغلط ونجزيها في الصح
وتسلمي ياقلبي

توتاااا

دااااااااايما منورانى بمرورك الرائع
ربنا مايحرمنى منه يااااارب ابداااااااا
وتسلميلي يا قمرى لمرورك الجميل