مزيا تربية رياضية

شكرا ليكى يا ساندرا ومفيش حاجة بعيد عن ربنا بس انا نفسى اطلع ديفرس مش مدرس مدرس اية انا باخد دورات علاج طبيعى مدرس اية انا عمرى ما ابقى باذن الله مدرس انا تدريب سباحة فى الكلية عندنا وباخد كمان تدليك يعنى ملهاش دعوة بالمدرسين خالص وانا لو دخلت المدرسة هلبس الولاد ابيض عشان الريال بس مش لاى سبب تانى وانا مش متعصب زى البنادم متخيل انا بشجع الزمالك لما بيكون برة على فكرة انا بقول حقايق بس مش اكتر

يارب يا مصرى تروح تركيا مدام جدك من هناك بس على فكرة من ناحية الجمال بردة بصراحة فى بنات جميلة فى مصر يعنى الى فى مصر دول بنات زى ما بيقول شرم وفى اى حتة فى مصر تلاقى فيها بنات حلوة اوى على فكرة والجمال جمال الروح مش جمال الوش وبعدين احنا احلى روح فى الدنيا بجد مش بهزر

وفعلا كلامك الواحد بيروح هناك بيبقى حاسس انى هوة برة مصر انى الحتة دى مش فى مصر احنا مهما يكن كفرالشيخ وطنطا والكلام دة اقاليم يا جماعة لايقارن بحتى القاهرة واسكندرية الحكم مش على هنا وشكرا يا امجد على الرد

وبعدين يا جماعة انت كمان بعتدوا اوى عن الموضوع

انا من العزبة يا عمرو الله يرحمه كان بيخاف من الجوافه

صحيح اللى ميعرفش يقول عدس

خلاص يا جماعه متزعلوش نفسكم أنا ألي من العزبه
في حكمه بتقول ألي يخرج من داره يتقل مقداره
مالهم بنات مصر دا حتي موفرين وعلي قد الايد دا حتي البنت الوحشه جوهره مصونه نعمه من ربنا أنت تطول يا عمرو

تعمل ايه بقي يا كركر ماحنا هنا عاملين زي القرع بيمد لبره
وطبعا مفيش احسن من بلدي وبنات بلدي
علي الاقل عاداتها وتقاليدها هتبقي زي عاداتي وتقاليدي
والجمال جمال الروح والقلب
مش جمال الوش ولا اي حاجة تانية
وابقي اتجوز اجنبية يا عمرو وابقي قابلني بقي
صدقني يا صاحبي مش هتصونك الا بنت بلدك

ميدو

اية يا راجلة انتوا سخنتم على بعض كدة دى احسن رجالة الى بتطلع من العزبة على فكرة وفعلا بنات بدلنا ممكن يكونوا اليومين دول مش زى الاول بس بردة فيهم الخير على رايك يا ميدو ويا كركر بس بردة بينى وبينكم بنات برة لاتقاوم

اية يا رجالة هو اية النظام واية الموضوع؟
بس انتو دخلتوا فى بعض شمال والموضوع مش مستاهل اهى كلها بلدنا

بس انا عاوز اقولك حاجة يا عمرو ان مجد مش من العزبة هو من تقسيم 4
ولازم الحوار يكون اهدى من كدة شوية مش لازم يعنى تقول تركيا ومش تركيا بس عادى يعنى مش فارقة

صح والله يا سامح يعنى العزبة من خارج حدود كفرالشيخ كلها واحدة واجدع رجالة بتوع العزبة بردة على فكرة وكل شباب كفرالشيخ

ايوة كدة يابو حميد هو دة الكلام
انت فاهمنى والله

صح كدة يا سموح امال لو انا الى مشفهمك مين الى هيفهمك

انا راييى يا سفير الرومنسية انا كفر الشيخ تتحرق كلها لان اسمها بصمة عار كفر الشيخ ثانيا لو تلاحظ انهم مبيجبوش اسم كفر الشيخ فى نشرة الطقس بيجيبوا طنطا المنصورة يبقى تقولى تربية رياضية كفر الشيخ ههه حلوة ده البنات اللى ففيها زى الرجاله

و انا من مركزي هذا هطلب من رئيس الجمهوريه تغير اسم كفر الشيخ الي عار الشيخ
و شكرا

انا معاك فى الحتة دى انى زى الرجالة بس بردة مش كلهم واسم كفرالشيخ دة منة لله الى سمها كدة كل لما نروح فى حتة يقولنا انتم بقى الى كفرتم الشيخ مع اننا مشفناش الشيخ وانا اتكلمت على بنات مصر يا مصرى مش بنات تربية رياضية متضلمش بنات مصر ببنات تربية رياضية حرام عليك وفى كذا محافظ حاول يغير اسم بس المجلس المحلى رفض وبعدين يا راجل انت منها يعنى مش للدرجدى مهما ما كنت مولود برها بس فى الاخر غصب عنك انت منها ورئيس الجمهورية هيعالج مشكلة الاكل ولا هيغير اسم البلد

فعلا انا كنت بحضر اختبارات الشرطة واللى يسالنى اقوله انا من المنصورة بقولهم تعرفوا كفر الشيخ للناس اللى ىمعايا بيقولولى اه اللى بيبيعوا طماطم فى المطار ههههههه

لا انا مش معاك بقى فى اهلها على فكرة شباب كفرالشيخ من اروش شباب مصر والله العظيم لبس وعيشة وكلام وكل حاجة وحتى البنات شكلهم نطيف وكفرالشيخ عليت معدتش فلاحين زى ما هى وكونك انك تتبرى منها دى غلط حتى لو كانت كفرالشيخ دى اقل حاجة انك متتبراش منها لانها مهما يكن انت منها

طيب اطلع برة وسال عن كفر الشيخ وهما هيهروك تريقه

طول عمرى باطلع برة وعادى الناس التافهة الى بتاخد بالبلاد وانا زى ما قلت احنا بلدنا احسن من بلاد كتير

بس لفوق متبصش لتحت اللى مرجع مصر لورا كل اما نقول عاوزين تقدم يقولوا احنا احسن من الصومال والسوددان وينسوا التقدم فى امريكا والصين عشان كده احنا ورا دايما

الميزة عندهم ان اللعب على المكشوف انما احنا بنلعب من تحت لتحت

ههههه لا طبعا مش فرحان بس بيبقى واضح مش عاملة ادام الناس انها محترمة وهى اللى بالى بالك