اسئله بديهيه بس تشلللللللللللللللل

اسئله بديهيه بجد تجييييييييييييب الشلل بنتعرّض ليها كل يوم من كل الناس خلـونـــا نشــوف أمثلة :


إنت في أوضتك اهو .. على السرير وطافي النور ومتغطي
ييجي أخوك الظريف ويفتح الباب عليك ويقول : ايه ده انت هتنام ولاّ ايه ؟

(( أظن ده مش وضع الرقص !!! واضح ان انا هنام ))
***********

انتم معزومين عند ناس ورحتو لبيتهم وأول ما فتحولكوا الباب يقول ابنهم الحلو الصغير: انتوا جيتــواااااااااااااااا ؟

(( لا لسه ))

***********

والعكس : انت لابس هدومك و متأنتك و على سنجة عشرة وريحة البارفان واصله لاخر الشارع .. وخلاص بتفتح باب الشقة,, يجي حد من أهلك وينادي بصوت عالي : انت خااااارج ولاّ اييييييييييه

(( !!! لاء فتحت الباب اشم هوا))


***********

أو مثلا راكب العربية ودوّرتها وخلاص هتطلع ... يجيلك لك البواب الصعيدى ويخبطلك على الزجاج,, انت بكل ذوق تفتح الزجاج وتقوله : خير في حاجة؟
يقولك : انت رايح الشغل يابيه ؟

(( لا.. العربية واحشاني ))


***********

مثلا ماسك سماعة التلفون وقاعد تضغط الارقام يجي حد من أهلك ويقولك: انت هتتكلم في التليفون ؟


(( لا.. بلعب فيه ))


***********

مثلا : ماسك مذكرة أو كتاب وقاعد تحفظ ومتحمس (أول مره بقى) .. تيجى اختك الامورة وتقولك: هاه.. قاعد تذاكر ؟

(( لا قاعد بعد الصفح ))


***********

ربنا هاديك كده ... ماسك سبحة و عمال تسبّح ، تيجى الحاجه تعدى عليك و تقولك : هوّه انت بتسبح ؟

(( لاء.. هفرطها و أسلقها ))


*********************************

ولاّ تعالــو نشوف قنواتنا واسئلتهم البديهية البايخة :



برنامج اهداءات يتصل واحد يطلب أغنيه ترد عليه ست الكوتكوته (المذيعة) بكل خفه ورشاقة : إنتا بتحب الاغنيّة ديه ولا ايه ؟

(( لاء.. طالبها اخنق على نفسي ))


***********

أو مثلا في العيد

المذيع : هههههه هههههههه هههههه نتعرّف بيك هههههه ههههههههه
المواطن : فلان الفلاني
المذيع :هههههه هههههه هههههه بتقول ايه للأهل ههههه و صحابك ههههه وقرابيك هههههه و للناس اللي انت مخاصمهم كمان ؟ هههههههههههه هههههه ههههههه


المواطن : أقولهم كل عام وأنتم بخير

(( أكيد يعني مش هيقولهم البقاء لله ))

***********

,,,المذيعة الظريفـة : وياترى بقى هتعملوا ايه العيد ده هتقضوه ازاي ؟
أكيد بيبقى زيارات الأهل و الصحاب و تخرجوا تشوفوا مظاهر العيد في الشوارع و تفسحوا أولادكم ونتصل بالمعارف نعيّد عليهم و نقولهم كل سنة و انتو طيبين

(( سبتيله ايه يقوله يا رخمة ؟ ))


***********

والأسخف بقى ... الشلل الكبير.. لما المذيعين يكلّموا الاطفال
يقول المذيع للطفل : إنت بتحب ماما وبابا ؟

(( يعني أساسي الواد لسه ما طلعلوش عرق الندالة علشان يقول لأ ))







حاجه كدا ايه تخنق و لا انتوا ايه رايكم ؟؟؟؟

هههههههههههههههههههه
ههههههههههههههههههههه
ههههههههههههههههههه
هههههههههههههههههههههه

بجد جميلة اوى اوى اوى حاجه جميلة اوى
تعرف ياامجد بتفكرنى بيك وبردودك ههههههههه
لالاسف الشديد

انت كاتب الموضوع ده علشان تخنقنا بيه ولا ايه
(لاء علشان اضحكم)
ههههههههههههههههههههههه
هيه فعلا حاجه تخنق
مرسي علي الموضوع ده

لو وماله يا اخويا شلنا معاك
احنا في الخدمه
ميرسي عالموضوع في كل الاحواااااااااال