ماتيجى نتجوز عرفى!!!! هااااااام للبنات

تعالو كده يا بنات كل واحده فيكم تتصور نفسها اعده مع الشاب اللي حبها وحبيته و اللي اطمنوا اوي لبعض واللي حبوا بعض بجد واللي ميقدروش يستغنوا عن بعض و عايز البنت تتصور الولد ده في وقت من الاوقات بيقلها


متيجي نتجوز عرفي؟؟؟




تخيلوا بجد و حطوا نفسكم في الموقف ده و فكروا كويس و عايز اول تفكير ييجي علي بالكم تكتبوه

انت بتتكلم بجد يا حبيبى ولا بتهزر
طيب هو مين اللى هيكون شاهد
لا لا لازم اقول لماما الاول
لالالالالالالا حرام انا عارفه انه مش شرعى
بس انت بتحبنى صح
انا محتارة
طيب بقولك ايه
تعالى اطلبنى من بابا الاول
بس عرفى لالالالالالا
خلاص خلاص يا حبيبى
اعرف بس الاول انت هتعمل ايه
يعنى انت الاول هتتجوزنى عرفى وبعد كدا هتعلنه
لا انت بتضحك عليا علشان بتتفرج على المسلسلات كتير
يعنى انت مش بتضحك عليا يا حبيبى
لا برضه بس انت لازم تعرف حاجة
ان انا حبيتك وانت فى الاخر بتقوللى نتجوز عرفى
انا لو اعرف ان نهايه الحب دة هيكون الجواز العرفى انا ما كنتش حبيتك
ولا بصيتلك
اة نسيت اقولك على حاجة يا حبيبى
انا مش من النوع بتاع الجواز العرفى انا محترمه وهفضل محترمه ومن هنا ورايح ما فيش كلام معايا لو بتحبنى بجد هتيجى تطلبنى من بابا
وانا مش عايزة اشوف وشك لغايه ما اعرف ازا كنت بتحبنى ولا انا اتخدعت فيك

على فكرة انا ولد اة
بس يعنى الموضوع عجبنى
ومن اللى بشوفه فى الافلام والمسلسلات قلت ارد دة لو انا بنت كنت هعمل كدا
وما اظنش ان فى حد ممكن يعمل غير كدا
ربنا مع البنات وخصوصا اليومين دول



****************************************************
no love no tears when you find the love you will find the tears

ميرسي يا مهند على مرورك ورأيك الجميل
بس يارين نشوف رد فعل البنات ايه بالمره
بس شكلهم خايفين باين يردوا

بجد يا ساندرا الموضوع جميل جدا اانا واحده من الناس واثقة فى الانسان اللى حبيته من كل قلبى واعتقد هو عارف كدا كويس وبما ان انا واثقة فيه يبقى لازم مش هيقول كلمة زى دى بس لو قاللى كدا صدقينى حاولت اعرف رد الفعل بتاعى مش مقدرتش اجيبه بس عامة انا فى اى موقف صعب بيمر عليا بيعيط ومش بتكلم بس وشكرا ليكى على انك فتحتى لنا موضوع زى ده لانه بقى بيحصل كتير اوى فى مجتمعنا الشرقى اللى المفروض يبقى ليه عادات وتقاليد ماشيين عليها على الاقل العادات دى بتحافظ على البنت اكثر من الولد لانه فى الاخر زى مابيقولو *ده راجل يعمل اللى هو عاوزه*

NaNa_GoGo كتب:

بجد يا ساندرا الموضوع جميل جدا اانا واحده من الناس واثقة فى الانسان اللى حبيته من كل قلبى واعتقد هو عارف كدا كويس وبما ان انا واثقة فيه يبقى لازم مش هيقول كلمة زى دى بس لو قاللى كدا صدقينى حاولت اعرف رد الفعل بتاعى مش مقدرتش اجيبه بس عامة انا فى اى موقف صعب بيمر عليا بيعيط ومش بتكلم بس وشكرا ليكى على انك فتحتى لنا موضوع زى ده لانه بقى بيحصل كتير اوى فى مجتمعنا الشرقى اللى المفروض يبقى ليه عادات وتقاليد ماشيين عليها على الاقل العادات دى بتحافظ على البنت اكثر من الولد لانه فى الاخر زى مابيقولو *ده راجل يعمل اللى هو عاوزه*

ميرسى على ردك
ويارب ما يوقعك في زى ده موقف ابدااااااااااا

بنوتة زى العسل كتب:

جواز عرفى يعنى مصيبة يعنى نهار مش فايت يعنى بلاوى زرقة .......
بجد انا مش قادرة حتى اتصور ردة فعلى هتكون ايه لانى ساعتها هنهار لانى كنت بضبع وقتى مع واحد حقير و عمرو ما حبنى عشان لو حبنى ما كانش هيطلب الطلب ده لانو لما بنحب بجد بنخاف على بنحبو حتى من نفسنا بصى انا اول حاجة اعملها اضربو باللى فايدى بالقلم بالشنطة مش عارفة بقى بس فعلا هتجرح جامد و هنصدم اوى فيه مش هتكلم معاه كتير اصلا لانى ساعتها هاعرف انو مش الشخص المناسب ليا هاقلو مش عايزة اشوف وشك تانى و لا عايزة اسمع اى كلمة منك مش هقولو لا لازم تيجى تطلب ايدى من بابا و كلام زى كده لانى بعد اللى قالو مش هعرف ابصلو ازاى او اتعامل معاه تانى لانى عرفتو على حقيقتو و طلع فى عينى صغير و الشاب اللى بيفكر زى ده اكيد انسان مش كويس خااااااالص و مبيعرفش حاجة عن الحب فبصراحة مش هاقدر اامنو على حياتى هانهى علاقتى بيه نهائيا حتى لو كنت فى يوم حبيتو و مش هضعف ابدا و لا هندم على القرار اللى خدتو لان النوع دا ما بيستاهلش حاجة بالعكس انا يمكن حتى اعاتب نفسى انى قبلت امشى مع واحد زى دا . ربنا معانا كلنا يا رب و يبعد عننا النوع ده
مرسى اوى ليكى يا جميل على الموضوع دا بجد مواضيعك دايما جامدة

ربنا يخليكى لينا

ايه رد الفعل اللى يودى ابو زعبل ده
يابنتى ما تنفعليش وماتبينيش اى حاجه من العصبيه دى
انتى تقومى وتمشي وتسيبيه ولا حتى تكلفى نفسك تردى عليه حتى
وماتنسيش طبعا النظره اللى باحتقار
ويارب ما يكتبه عليكى خالص
وبعدين انتى بجد بنوته زى العسل
ويخليكى انتى كمان يارب

ههههههههههه
فعلا هى النظرة اللى باحتكار
انا حاسس انى بحشر نفسى فى كل حاجة
بس دى طبيعه انى احب اعرف كل حاجة
معلش يعنى للتطفل
على فكرة بقى يا نانا
الراجل يعمل اللى هو عايزة اللى انتى قلتيها دى انا خسرت واحد صاحبى علشان قالهالى
وقالهالى فى موقف قريب برضه
وردى عليه خليته ما ينفعش يبص فى وشى تانى اساسا
واسالى امجد انا لما بكلم حد وانا متنرفز ببقى عامل ازاى
بحسسه انه المفروض يروح ينتحر
يعنى ايه الراجل يعمل اللى هو عايزة
طيب انا لما اعمل اللى انا عايزة لما تيجى اخت لاى واحد وواحد تانى عمل معاها الحركه دى هو هيسكت
مش هيفكر تفكير ان الراجل يعمل اللى عايزة هيفكر فى اخته اللى حصل ليها ايه



****************************************************
no love no tears when you find the love you will find the tears

هيه قصدها يا مهند بصفتنا مجتمع شرقي مش بيجيب العيب على الراجل حتى لو غلطان بحجه ان الراجل حـــــــــــر يعمل اللى هوه عايزه
هوه ده كل قصدها
بس طبعا المفروض ان كل واحد يراعى ربنا في تصرفاته من منطلق انه ليه اخوات بنات وام وبنت وقرايب كده يعنى
وربنا يهدى الجميع

هى بصراحه الكلمه نرفزتنى اصلا
لانى سمعتها اكتر من مرة
الراجل يعمل اللى هو عايزة
كلمه بصراحه اللى قالها دة اغبى واحد شفته فى حياتى
ويا ستى ربنا يحفظنا قصدى يحفظكوا
ادينى اتكلمت زى ما يكون بنت اهو
عاجبكوا كدا
انا ما عتش داخل مواضيع بنات تانى


****************************************************
no love no tears when you find the love you will find the tears

هههههههههههههههههه
ليه بس يا مهند
ده انت منورنا والله

ههههههههههههههههه

لا يا مهند بجد انت منور الشاشه بتاعه الكومبيوتر بتاعى

بس بجد والله بامانه انا اول مرة اعرفك

كويس جدا انك مش مؤمن بكلمة زى دى

ربنا يبارك فيك

ازاى يعنى يا اسلام
انا مش فاهمه سؤالك