ازاى تعرفى جوزك المستقبلى من طريقه اكله

انا بهدى موضوعى دا لكل بنت مقبله على الجواز عشان تعرف حقيقه جوزها من اولها و عشان برضه ميتكتبلهاش مطلقه فى البطاقه على حاجات تافهه لا هى تعرف من الاول احسنلها



مع بعض و من هنا هنعرف شخصيه الراجل من طريقه اكله يلا معايا .....







1- إذاكان عادي يعني لا بياكل بسرعة ولا ببطء ولا دايمًا شبعان ولامفجوع على طول.. يبقى شخص معتدل في عواطفه وقراراته ويبقى ده آخرالرجال المحترمين .. كلبشي .. واستعجلي الزفاف والحياة هتبقى بمبي


2- إذا كان بيحب الأكل زي عينيه.. وأول ما يدخل من الباب وقبل ما يقوللك ازيك يقول لك ريحة التقلية تجنن يا روحي إنتوا عاملين ملوخية على أرانب؟؟.. أموت أنا.. ويقعد ياكل ويحشر لحد مايغمى عليه.. يبقى إنسان طفس.. وهوائي.. وطايش.. وأوعي تتجوزيه أحسن ياكلك وانتي نايمة....؟

3- أما إذا كان مش مهتم بالمرة.. لايقولك ده حلو ولا ده عادب و لا مالح ولا مستوي ولا لسه ني ولا بيعلق أي تعليق.. وعمره مايقولك جعان أو شبعان يبقى إنسان مالوش لزمه.. وزي قلته.. وأنصحك بدل ما تتجوزيه إتبنيه..وهاتعيشي إنتي الراجل والست ف وقت واحد واعملي حسابك هاتركبيه و تدلدلي رجلييكي.


4- أما إذا كان بياكل زى مايكون حد بيجري ورااااه وساعة الأكل بيجيله حالة صرع معوي.. ويقوم من ع الأكل قبل أي حد تاني يبقى متسرع.. ومتهورفي اتخاذ قراراته وممكن بعد الجواااز يكتشف إنك لست ملهمته..ولست فتاةأحلامه ولستِ حلمه.. ويروح مطلقك بالتلاتة.. إخلعي إنتي بدري أحسن لكرامتك.


5- أما إذا كان بياكل على مهله.. ويمزمز.. ف كل صنف لوحده.. ويسأل عنكل صنف إيه مقاديره ومعمول إزاااي ويقعد يستطعم ف الأكل من العصرللمغرب حاسبي منه يا اختي ده النوع اللي له مخ.. وبيوزن الأموربطريقه تفقع المرارة.. ولو في يوم طلبتي منه يقولك كلمة حلوة هايقولك مش عامل حسابي ويقعد يفكر 3 سنين وبعدين يقول لك بحبك ويقعد يشوف وقعها عليكي إيه؟؟نظااااام شلل رعاش بدري.... بدري.... إخلعي يا أمي


6- أما إذا كان بيقعد يقطع ف الأكل زي مايكون ف خناقة ويخبط فالطبق من الغل.. ويقطع حتة اللحمة زي ما يكون بيدبحها.. ويتفتف.. ويتكلم.. طول ماهو بياكل لما يغرق وشك أكل.. ده شخص عصبي جدًاااا.. ومع أول خناقة هايروح مناولك بالكرسي ف راسك أوبالسكينة ف عينك يعمل لك عاهة مستديمة وبعدين.. يهدى.. ويقول لك:
"سوووري ياروحي هي جت فيكي.. معلش" " معلش برَّه يا حبيبي وخد الباب ف أيدك""


7- أما إذا كان دايمًا قرفاااان دايمًا مش عاجبه العجب ولا الصيام في رجب.. يع..الملوخية تقيلة.. ياي.. السمنة كتيرة على وش الشوربة..ياساتر.. دا محشي ولاصوابع مووووز.. أووووف.. الرز معجن .. يامَّه المكرونة معجنة.. إذا كان كده توكلي على الله وهاتي أحمى ساطووووورعندك وأنا أعرف لك واحد محامي هايطلعك منها زي الشعرة م العجيييين







والأحسن من ده كله..... مالها القعدة ف بيت أبووووووووكي؟؟

- إذاكان عادي يعني لا بياكل بسرعة ولا ببطء ولا دايمًا شبعان ولامفجوع على طول.. يبقى شخص معتدل في عواطفه وقراراته ويبقى ده آخرالرجال المحترمين .. كلبشي .. واستعجلي الزفاف والحياة هتبقى بمبي

الحاجات دى فى شريك حياتى يلا هنتجوز امتى انا زهقت من ابـــــويا

ههههههههه
طيب افرد بقى كان عايز ياكل بسرعه بس حب ياكل بالرحاه علشان الزوق وكدا
اتيكيت يعنى يا امجد
يلا بقى يا نانا علشان ارقص فى فرحك
بس عهيبقى رقص خفيف اصل
وسكى بيوجعنى
وانت ليك عليا يا امجد المطوة هتتفتح فى فرحك وهرقص بيها رقص
بس انت اتكل على الله بس


****************************************************
no love no tears when you find the love you will find the tears

ههههههههههههههههههههه

ايه يا امجد بابا ما انتا عارف عامل فيا ايه


انت بتقول يا نودا

عاوزة ترقص فى فرحى خفيف وفى فرح امجد بالمطوة

تلميحات غريبة مش هحسبك عليها دلوقتى هخالى صحبك هو اللى يحسبك

ربنا يكرمك زى ما كرم السادات يا مهند
ههههههههههههههههههههههههههههههه

هههههههههههههههههههه وانت مالك بقى

انت مش فاضى غير انك تولع النفوس وخلاص

هو قابل يا سيدى ملكش دعوه

يا عم انا ما اتهزأتش يا عم دة انت بتهدى النفوس فعلا
يا ستى هرقص فى فرحكوا انتوا الاتنين بالمطوة
وهيبقى نفس اليوم
وهرقص فى نفس الوقت كمان
تلميحات مش غريبه اهى


****************************************************
no love no tears when you find the love you will find the tears

احلى حاجة فى توتا
كلامها منظم
وتبدا بكلمه ميرسى
وتحس كدا ان انت لازم تقراة


****************************************************
no love no tears when you find the love you will find the tears