الولاد دول حاجه صعبه قوى!!!

الولاد دول حاجة صعبة

حقيقـي.. الولاد دول حاجة صعبة مش ممكن أبداً.. ح تعرفـوا ليه دلوقتـي
*******
لو عاملتيه حلو يقولوك واقعة فى هوايا
وان معبرتيهوش يقول عليكي مغرورة ومناخيرك في السما

لو لبستي حلو واتشيّكتي يقول بتعمل كده عشان تلفت نظري ليها
ولو انتي عمليّة شوية يقول عليكي فلاّحة
*******
لو اتناقشتي معاه هيقول عليكي عنيدة
ولو سكتّي هيقول عليكي مخك فاضي
لو انتي أذكى منه هيدّيكي الوش الخشب
ويا سلام لو هوّ اذكى منك.. هتتفرّجي
لو مش بتحبيبه هيحاول يتملّكك
ولو انتي بتحبيه وكنتي عبيطة وبيّنتى حبك ليه بسرعة هيحاول يسيبك
*******
لو قلتيله على مشاكلك هيقول عليكي مزعجة
ولو مقولتيش هيقول انك مش بتثقي فيه
لو حاولتي تنصحيه هيقول عليكي عايزة تتحكمي فيه
ولو هو اداكي أمر (قصدي نصيحة !!!) ده لانّه بيخاف عليكي
*******
لو حصل ووعدتيه بحاجة ومعملتيهاش هتبقي مش موضع ثقة
اما هوّ لو خلف وعده فده غصب عنه.. اضطر
لو انتي حليتي حلو فى الامتحانات يقولك ده حظ
اما هو لو حل حلو يقولك عبقرية وذكـاء
لو جرحتيه تبقى قاسية ومعندكيش قلب
اما لو جرحك فيقولك انتي حساسة اوي ومكبرة الموضوع وهوّ مايستاهلش؟؟
*******
لو قريتي الموضوع ده وبعتّيه لحد من الولاد هيقول مش صحيح
ولو قرتيه ومبعتيهوش هيقول انك انانية
الأحسن انك تقريه وتبعتيه لولاد وبنات برضه عشان يقولوا رأيهم معانا
عشان احنا طبعا ديمقراطيين واللى مش هيعجبوا هيقول بنات آخر زمن مش عاجبهم حد
*******

بصى يا ملك انتى ممكن يكون عندك حق فى بعض الكلام
لكن مش كله طبعااااااااااااا!!!!!!!!!

عشان الولد كتاب مفتوح للى تعرف تقراه يعنى هى وشطارتها
واذا عرفت والله هتملكه وكانه شنطه فى ايديها

بس المشكله ان الصفة السايدة فى البنت هى العند وطبعا الولد بيلاقيها عنيده
فبيكون دماغه جزمة معاها

صح ولا انتى اية رايك؟؟؟؟؟

انا مقلتش ان كل الولاد كده طبعا فى ولاد محترمه وبتراعى ربنا فى بنات الناس بس قليلين والسايد الولد اللى مقضيها يحب دى ويكنسلها ويظبط التانيه ويلاقى بنات تصدقه وبالنسبه للبنات العنديه كل واحده وشخصيتها فى بنات عنديه انا معاك بس اكيد هتلاقى شخص شخصيته هتركب مع شخصيتها فاهمنى ويارب يهدينا جميعا وشكرا لمرورك وردك الجميل

بس بردة انا ملاحظ ان البنت بتحب تعقدها جامد
وامجد عنده حق
طبعا انا مبقولش على كل البنات اكيد فى بنات كويسه طبعا ومعاملاتها جميلة
بس انا بتكلم ع الغالبية وحكاية الولد اللى مقضيها دة هو اكيد بردة بينتقم من واحدة زى ما امجد قال
لا بس بجد موضوع جميل

سامح

يعنى هى البنات الى ملاك مهى بردة فى بنات بتبقى بتحب على واحد بترمى على التانى دى حاجة طبيعية فى كل البنات زيهم زى الصبايان وزى ما امجد وسامح بيقول والولد بيبنى التعامل على البنت الى ادامة على شخصيتها

عندك حق يا احمد والله
احنا قطط مغمضة وهم وحوش كاسرة هههههههههههههههههههههه

والله الموضوع دي يدل ان البنات دماغهم تعبانه اوووووووووي
طبعا مش كلهم
بس معظمهم
هههههههههههههههههههههههههههههههههه
شكراااااااااااا موضوع حلو
ايوا
الم الليله بدال منضرب
موضوع عظيم
ايه الحلاوة دي

علي فكرة يا ملك والله مش كل الولاد
واللي بيفكر بالطريقة دي فهو بني ادم فاضي

وهقولك كلمة واحدة بس
البنت بايديها تخليه معاها وبايديها تخليه ضدها
وسر قوة المرأة في ضعفها

وشكرا ليكي علي الموضوع

ميدو

يجماعه وربنا احنا مش فى حرب بس ده تفكير معظم الولاد اليومين دول وعلى فكره يا امجد مش عشان واحده ظلمته يبقى يجرح ويلعب ببنات تانيه ملهمش زنب اصلا صح ولا ايه وانا مبقولش ان البنات ملايكه بس فى بنات بجد بينضحك عليها كتير وبتنخدع بس انا مكنتش اقصد انى ازعلكم منى انا كنت بقولكم على حاجه انا شايفاها قدامى بس مش اكتر الفرعون العاشق: لا تعليق !!!!!!!!!!!!!

طبعا يا ملك في مكان في كده وفي كده
بس انا برضه بتكلم من وجهة نظري
لان انا الحمد لله اي بنت بكلمها حتي لو مكنتش بحبها وبعاملها زي اختي
فانا براعي فيها ربنا عشان عندي اخت بنت
وليا بنات عمي وبنات خالاتي وكده
اخاف عليهم برضه
فما بالك بقي في البنت اللي بحبها
اكيد لازم اشيلها في عنيا من جوه
وزي ما قلتلك البنت بايديها تحافظ علي الولد
وبايديها تضيعه
وسر قوتها في ضعفها

وشكرا مرة تانية علي الموضوع الهايل بجد

ميدو

الموضوع دخل فى تنظيم وثوره لا ياعم انا ماليش دعوه يا بيه انا فى المنطقه ندله مووت هههههه وعمه انا مقلتش ان كل الولاد وحشين وبرده مقلتش ان كل البنات ملايكه بس بقول السايد مش اكتر وشكرا لاهتمامك ياعماد ياللى عاوز تودينا فداهيه

ههههههههههههههههههههههههههههههههههههه الموضوع حلو

بس هو فعلا مش كله تقريبا الموضوع كله خاطئ ياملك اعزريني

مش بفكر بتفكيري كولد انا بفكر بالحكمه .... الموضوع يبقى كله صحيح مع نوع معين من الشباب ذوي التعليم المنخفض وذوي التفكير القليل الى حد ما

انما لما بنت تتحترم نفسها في لبسها تبقى فلاحه؟؟؟ حرام ولو زودتها تبقى فعلا قليله الادب

ومن نحية الجرح

ماحدش بيجرح الا لما يكون انجرح بطريقه غبيه على راي الست الاستاذه شيرين

القلب اللي بيجرحنا فيه حاجه اكيد جارحاه

ودمتم على خير

ممكن برده وشكرا لاهتمامك

ارجو واهم حاجه مايكونش فيه زعل بس ده مجرد ابداء راي في موضوع عام

زعل ايه بس لا ربنا ما يجيب زعل ثم ده موضوع يعنى فيه مؤيد وفيه معارض صح ونورت الموضوع بردك يا احمد

بسم الله الرحمن الرحيم
نرجع تانى ونقول هاى عليكم كلكم طبعا فى ناس وحشانى وفى ناس جديدة اول مرة اشوف اسمها فى المنتدى خلاص اتعرفنا وظبطنا نفسنا
اقول رايي بقى فى الموضوع لانه حلو شويه
على فكرة بقى البنات احساسهم زي الولاد بالظبط يعنى انا لو بفكر انى اكلم بنات واحب بنات وكدا البنات برضه بتفكر نفس الطريقه بس فى حدود بالنسبه للبنات يعنى الولد ممكن يعمل اللى هو عايزة لكن البنت ما ينفعش تعمل اللى هى عايزاة
علشان كدا بنقول على البنت اللى اجتماعيه انها فلاحه وكدا بس انتى لو لاحظتى ان ما فيش حاجة اسمها ان انا هاى كلاس او انا فلاح احنا كلنا واحد بس اللغه والبيئه اللى احنا عايشين فيها هى اللى بتخلينا كدا يعنى احنا مش هنقول على بتوع امريكا انهم كلهم قلالات الادب جربى كدا واسالى ولد ايه رايك فى بنات امريكا هيقولك بنات زى العسل ولبسهم كويس وتمام ولو لقيتى واحدة لابسه زى بتوع امريكا فى البلد وسالتيه ايه رايك فيها هيقولك قليله الادب
وعايزة من الاخر فعلا معظم الشباب بيقولو كداعايز يبقى هو المتحكم وهو اللى ثابت نفسه قدامك وهتلاحظى انه ممكن ياخد فى نفسه ثقه جامدة اوى قدامك ومن وراكى فرخه ليه علشان هو الراجل ازاى يبقى الراجل وانتى تبقى احسن منه ولا اشطر منه ممكن انتى تاخديها عادى لكن هو بالنسبه ليه مش عادى ( ودة تفكير وقته راح خلاص ) يعنى المفروض انه لو لقى واحدة كويسه يتمنالها الخير زيه بالظبط
انا حاسس انى كتبت كتير اوى اوى
بس شكلى كدا علشان ما دخلتش من زمان بطلع همى فى الموضوع دة


****************************************************
no love no tears when you find the love you will find the tears

مش نيابه فبتمرن عليكو

بصى يا ملك انتى عندك حق واكيد مهند ( نودة ) عنده حق
بس احنا كنا بنقول على بنات محددة او عينات بس اكيد فى بنات زى الفل
وانا بردة بضم صوتى لصوتكم وبقول ان البنت زيها بس زى الولد بس فى فرق ان الولد يحب يكون المسيطر على كل حاجة والراى يبقى راية بس دة مش فى كل الولاد بس فى معظمهم
واحنا مبنقولش ان الولد يعامل البنت انها اقل منها
بس العادات زى ما قلتى بتفرض حاجات كتير على البنت
وكله من كلمة عييييييييييب
that's all