عايزه من وقتكم ثواني وبس.... توتاا

السلام عليكم ورحمه الله وبركاته

ازيكم جميعاااااااااااااااااا
جيبلكم فكره وياريت تعجبكم وتتنفذ
هي الفكره عباره عن مسابقه تتعمل كل اسبوع مثلا
وتكون المسابقه دي لاختيار احسن موضوع
وكل اسبوع نختار قسم معين ينكتب فيه
وكل واحد يشارك بموضوع
ونعمل تصويت في اخر الاسبوع ونختار افضل موضوع
وصاحب افضل موضوع يكون العضو المميز طول الاسبوع
والحكايه دي هتساعد في تنشيط المنتدي
يااااااريت تكون الفكره وصلت
واتمني انها تعجبكم وتتنفذ بجد

وياريت اعرف اقتراحاتكم للفكره
وان كانت عجبتكم والا ؟؟؟

تحيـاااااتي
توتا الشعنونه

انا شايف يا توتا مع احترامى للفكرة طبعا بس انا شايف انى هى صعب تتنفذ لان الى هيختار هيختار على ميولة رياضية فية وكدة وكمان حاجة انى اكتر مسهمات فى مواضيع بيبقى فيها مشاكل بتاخد اكتر مسهمات وتعمل حساسية واحساس الكوسة اشمعنى موضوعى وكدة وبعدين كل مواضيع المنتدى حلوة مش لازم نختار موضوع ارجوى انى رايى مضيقكيش

اولا اختلاف الراي لا يفسد للود قضيه وانا مش اديقت ابدا بالعكس
وبعدين هو تنفذها مش صعب والا حاجه محتاجه تنظيم مش اكتر
وكمان الغرض من فكرتي دي خلق روح لتنافس وتنشيط المنتدي
وحكايه احساس الكوسه دي فاحنا مش اطفال عشان نتخانق ونقول اشمعنا
وفعلا موضواعات المنتدي جميله واجمل بالي فيهاوروح الاخوه المتوافره
بس انا كان كل قصدي التجديد مش اكتر وخلق روح منافسه بين الاعضاء

فكرة جامده اوى اوى ما شاء الله على تفكيرك الرائع يا اجمل عضوة

ميرسي ليكي يامصري
وباذن الله تعجب الباقي

انا واحد مش واحده يا توتا

فكره جميله اووووي

سوري هي بس مجرد غلطه كتابيه

وميرسي ليك ياTHE SNIPER

فكرة حلوة يا توتا بس فى شوية تعديلات

اولا لو اخترنا قسم كل اسبوع زى ما بتقولى فكدا فى اعضاء ممكن ميبقلهاش خبرة فى القسم دا يعنى مش كل الاعضاء هتحط مواضيع لان فى اعضاء مش هتعرف تجيب مواضيع فى نقس القسم فانا باقول نعمله عامة احسن يعنى نعمل موضوع اسمه احسن موضوع فى الاسبوع و ساعت ما نبدا الاسبوع و فى خلال اسبوع كل عضو يدخل الموضوع دا يقول انا حطيت موضوع كذا بتاريخ كذا و كل عضو مسموحله بموضوعين فى الاسبوع الواحد و فى نهايه كل اسبوع المديرين هيشوفو الموضوع صاحب اكتر ردود و احسن المواضيع و بكدا يبقى الفكره احسن دا من وجهة نظرى

كويس بردو الفكره دي
انه يبقي عامه احسن من التخصيص
عشان ميبقاش لحد حجه
بس المهم تتنفذ صح باذن الله

انا شايف بردة من وجهة نظرى انى الفترة فى التقيم تبقى كبيرة مش اسبوع تبقى شهرى مثلا وتبقى على كل الاقسام زى ما امجد بيقول مع انى شايف بردة انى الناس بتطرح الافكار من غير منافسة ولا حاجة انا شايف انى المواضيع هتزيد والردود هتقل ولا اية؟؟؟؟؟؟؟؟؟؟

بالعكس ياجميل المواضيه هتزيد والردود كمان
انت بس مش واصلالك الفكره كويس
وبعدين شهر هتكون كتير الناس هتمل
وبعدين هي لو مش عجباكم
مش ضروري تتنفذ ولا اكنو قلت شي
ولا تزعلوا نفسيتكم ابدااااااااااا

توتااااااااااااااااااااا

مش حوار مش عاجبنى كلة هيبقى فى دماغة يعمل مواضيع مش هيبقى فى دماغة الرد المواضيع هتكتر الوردود غصب عنك هتقل وكل اسبوع دة بالعكس بسرعة افترضا فى اسبوع مكنتش المواضيع حلوة بس شهر يبقى فى فترة كويسة للتقيم والى يرد يرد براحتة وانا ملكش انى انفذها دى وجهة نظر المديرين يارب راى ميكنش مزعلك بس

بص ياجميل اولا انا عمري مبزعل من وجهه نظر حد
وده رايك ودي حريه شخصيه والناس بتختلف
ودي مجرد فكره عاوزين تنفذوها اوك مش عاوزين موش مشكله
الي يريحكم اعملوه المهم ان اختلاف الراي لايفسد للود قضيه

توتااااااااا

والله فكره في الجون برافو عليكي يا توتا
بس انا عايز اوضح ان مقايس اختيار الموضوع الافضل
المفروض متتبنيش علي الردود الاكثر بس
لا المفروض علي المضمون والرساله اللي بيقدمها الموضوع

خلاص مفيش مشاكل يا توتا اصل الناس الى بتخلفى معاها بتفكرها خناقة انا رددت كذا مرة انك متزعليش عشان احنا نقصنا حتة تقبل وجهة النظر التانية دى وشكرا ليكى

ياجماعة انا قاعد اشوف الاراء وكلكم اختلفتم ده قال رايه وتوتا ردت بوجهه نظرها وبعدين فيه ناس موافقه وناس مش موافقه المهم مش ده هى اتنفذت ولا لأ لانها لو اتنفذت لو الفكرة طلعت فى الجون يبقى توتا ناس ظلمتها وكان عندها حق مانفعتش الحركه دى خلاص يبقى توتا غلطانة من ساسها لراسها ومن غير ما نختلف من غير ماننفذ يعنى الفيصل التنفيذ ولا ايه

شكرا على الفكرة الجمدة دى فكرة كويسة فعلا

» برجاء الدخول...انا توتاا
» ارمي العضو اللي انت عايزه من البلكونه
» عد من 1 الى 5 ودخل العضو اللى انت عايزه مستشفى المجانين ..
» عايزه تحرقى دم ولد, اقولك ازاى امال احنا هنفضل نحرق دمكوا كده كتير