نصائح للشباب لتظبيط البنات و نصائح للبنات لتظبيط الشباب ... عايزها توللللع

نصائح للولاد لزوم تظبيط البنات و عايز راى البنات ونصائح للبنات كمان

البنت بتحب الولد اللى ......

أولا : البنت بتحب الولد التقيل ...
خلى دمك تقيل عليها
سوق الرخامه عليها سوق التلامه والغلاسه ولو ما بتعرفش تسوق طلع رخصه..... مطلعتش....اضرب رخصه

ثانيا : البنت بتحب الولد الغنى ...
اسرق .... انهب ..... اعمل اى حاجه عشان يبقى عندك فلوس فلوس كتير... كتير اوى اوى اوى كمان مره .. مش ضرورى حلال يستحب انها تكون كمان حرام عشان تحس ان انت كريم عبدالعزيز فى حرميه كيجى2 ولو ما عندكش فلوس .......وفاشل يا فاشل يا ابن الفقراء الفاشلين استهبل ارسم عليها انك غنى اشتغلها.. هو انت يعنى لاقى شغل يا فاشل اشتغلها واعملها شغلانتك
ثالثا : البنت بتحب الولد الى ماتفهموش ...
خليك متخلف فى اسلوبك وطريقتك معاها خليك اهبل فى كلامك ماتديهاش كلمه مفيده ابدا تفهمها منك وان فهمت كلمه منك ارجع قولها عكسها خليها تتهبل ولا تفهمش حاجه خالص

رابعا : البنت بتحب الولد الكداب ...
افتح عليها علب احكيلها عن رحلاتك للمريخ وغزواتك وفتوحاتك
كلمها عن اختراعك للبنسلين وعن قدراتك الخارقه على الطيران وقرايه افكار الناس وانك بتعرف كل حاجه فى الدنيا واهم حاجه انك بتعرف هى بتروح فين كل يوم وبتخرج تهبب ايه وتقابل مين.

خامسا:البنت بتحب الولد الحبوب المحبوب ...
استخف نفسك وخليك كده فريش طول الوقت وغلس على كل خلق الله وهزر فى اى وقت وبداعى ومن غير حسسها ان كل الناس بتحبك تهزر معاهم.

سادسا : البنت بتحب الولد الى مش راجل ...
خليك ناعم كده ... نايتى وبسكوته وحساس اوى خالص جدا موت عالاخر ياى حس شويه

سابعا :البنت بتحب الولد الى يفهمها انها احلى بنت ...
اوصفلها فى جمالها واحكيلها قد ايه هى فاتنه وحلاوتها مدوباك ومسهراك يا حبه عين امك وان هى الوحيده فى العالم الى حلوه وهى بس الى يتبصلها لان البنت لازم تحس انها احلى واحده لان ماعندهاش عقل يفهم ان ربنا فضل الناس على بعض فى خلقها واشكالها.

ثامنا : البنت تموت فى الولد الى شكله معتوه ...
البس لبس غبى ....لازم تسقط البنطلون ولازم كل الناس تشوف هدومك الداخليه البس تيشيرتات مرسوم عليها فران وكلاب وحمير البس جزم حمرا وكوتشات خضرا وخليك بلياتشو حاول تغير فى اسلوب لبسك البس هدومك بالمقلوب وبرضه ما تنساش تسقط البنطلون طول شعرك ونزله على عنيك ولو شعرك اكرت طوله برضه واحلق خط بعرض 3سم فى نص راسك بالطول لو عمر دياب مره حلق حواجبه اوع تتردد اديها حواجب قرعه علطول.
تاسعا : البنت بتحب الولد التافه ...
اتكلم ع التمثيليات وبرامج التليفزيون والاغانى الجديده والفيديو كليبات و والمطربات والمطربين وخد بالك من النقطه الجايه دى بقى اقنعها ان انت صوتك حلو وبتغنى وقريب هيكتشفو موهبتك وهيخلوك تغنى فى برنامج مواقف وطرائف الحيوانات
عاشرا : البنت تحب الولد الى بيحب غيرها ...
عمرك سمعت عن بنت حبت واحد بيحبها لاء طيب خد النصيحه دى.. اهم نصيحه وسر نجاح اى علاقه باى بنت البنت ماتحبش اى واحد يحبها.. وتحب اى واحد تكون هى ولا على باله ..طنشها واركنها ولا تحسسها انها بنى ادمه واهم حاجه الكلام الى فات ده كله شرط انك تعمله مع اكتر من بنت ويستحب يكونو خمس بنات او من مضاعفات العدد خمسه لان ده الرقم الى بيمنع الحسد والنقص فى النسوان. اوع تكون هى الوحيده فى حياتك ولو مش لاقى بنات تانيه غيرها اتصرف... صاحب اى شغاله ولا اى بياعه خضار ولا اى شحاته ((نوع كده وخليك واد كووووووول))
النتيـــــــــــجــة
هتعلق نص بنات مصر والنص التانى هيعلقو واحد تانى قرا نفس الاميل ولو أنت و هو اتفقتو سوا ممكن تبقو تبادلومع بعض النص بتاعك والنص بتاعه لو كل واحد اتخنق من النص بتاعه طبعا هتسأل وباقى شبان مصر يابنى دول خلاص ندهتهم النداهه كلهم كمنشات ومعظمهم مضحوك عليه وعايش فى وهم معيشاه فيه بنت قرت الاميل الى جاى ده.

الولد بيحب البنت اللى ......

أولا : الولد بيحب البنت الرقيقه ...
رفعوا صوتكم يا بنات . و أول ما تشوفى حاجه وحشة..سورقى(يغمى عليكى) من كتر الرقة عيطى كتير . العياط دليل على الاحساس المرهف . أوائى له .. نكدى عليه الليلة ثانيا الولد بيحب البنت الرومانسية سبلى له . اسرحى كتير كلميه عن القمر وحاجات من دى .قوليله شايف القمر يا عتريس لازم تكونى هيمانه و انتى بتتكلمى . و يكون صوتك واطى وشوشة

ثالثا : الولد بيحب البنت المؤدبه ...
قولى له انه اول واحد فى حياتك حتى لو كنتى متجوزة قبل كده وحامل فى توأم.. و لو سأل على انتفاخ بطنك قولى له كيس دهنى و لو عارف و متأكد انه كان لك علاقات كثيرة مثله دى كلها اشاعات ده هما اللى كانوا معجبين بيا لكن انا ولا سألت فيهم كلهم

رابعا : الولد بيحب البنت الاستايلstyle ...
كل ما تشوفى حاجه جديدة قلديها . يقولوا الموضه الشعر الاصفر اضربيه اصفر .. الموضه القصير .. قصريه .. مش مهم شكلك ايه .. ماتصدقيش اللى تقولك ما تخديش من الموضه الا اللى يناسبك.. دى بتغير منك و مش عايزاكى تبقى على الموضه .
ملحوظه : لو مش عارفه ايه الموضه اختارى لك واحدة معينة او مذيعة و قلديها .. خليكى نسخة منها .

خامسا :الولد بيحب البنت الدلوعة ...
ادلعى ياختى انت و هى . ما تبقوش مسترجلين نفسكو كده .

سادسا : الولد بيحب البنت الجذابه اللى بتكون محور اهتمام الآخرين ...
فهميه ان في آخرين كتير معجبين بيكى و قولى له : ارجوك اوعى تغير انا حواليا كتير . ولا بيهمنى أبدا منهم ايه يعنى اكون حلوة فى عينهم . ألفى قصص وهمية عن الأولاد الهيمانين فيكى و اللى انتى
مدوخاهم بسحرك و جمالك .

سابعا :الولد بيحب البنت اللى بتحسسه برجولته و تحسسه بنفسه ...
ايه ده .. ايه العضلات دى كلها دى احلى عضلات شفتها فى حياتى . يا سلام ايه الشيا كة دى كلها . انت أشيك ولد شفته فى حياتى.مش مهم هو لابس ايه . انبهرى و خلاص ) . يا سلام انت تقاطيع وشك حلوه بشكل(حتى لو كانت ملخبطه و طول مانتى قاعده اشكرى فيه خليه كده قاعد نافش ريشه . و فرحان
بنفسه .

ثامنا : اتمحكى فيه ( الزقي له )خليكى دايما معاه ...
كل شويه كلميه فى التليفون بأى حجة . قابليه فى كل حته يروحها إعملى عليه كماشة . بحيث مايعرفش يفلفص منك و لا يشوفش غيرك ادامه . روحى له الكليه اكبسى عليه مع البنات .

تاسعا : عددى مواهبك ...
اكلك مظبوط قوليله انا ملحى فى الاكل لا كتير ولا قليل وبعمل شاى سكر زياده . وبلون البيض المسلوق .

عاشرا : تضحياتك عشانه ...
رغم حبك الشديد للحريه والانطلاق ...قوليله انت مالك وقتى وتفكيرى مش عارفه اعمل حاجه الا انى افكر فيك مليت على ايامى شغلت لى الزمن
النتيـــــــــــجــة
لو الولد وقع فى دباديبك و قال عاوز يرتبط بيكى : اوعى تقولى ايوه
لااااا .. اتقلى شوية . اعملى نفسك يتفكرى .. سهريه .. لوعيه بهدليه .. لكن ماتتقليش العيار ليطير منك . لو الولد ما سألش فيك ولا عبرك . و لا أخد باله منك أصلا يبقى بنت تانيه سبقتك ليه .
ملحوظة : كررى الخطوات من 1 - 10مع ولد تانى بعد
جمع المعلومات اللازمة عنه

شكرا علي نصائح يا امجد

شكرا على مرورك انت يا ابو تريكه نورت الموضوع

ميبرسي يا امجد علي النصائح دى وربنا يستر لو حد من الشباب عمل بالنصائح بتاعتك دى

ميرسى على مرورك يا جميل بس هما هيعملوا بيها امال انا كاتبها ليه يعنى ؟؟؟

ههههههههههههههههههههههههههه
ههههههههههههههههههههههههه
دي نصائح دي ولا نكت
هههههههههههههههه
ربنا يكرمك ياعم وتعلق بنات مصر
ههههههههههههههه
اصل الشباب دلوقتي بقوا شماعه
هههههههههههههههههههههههه
بجد موضوع اكتر من رائع
وربنا يوفقك

لا مش شماعه دول سماعه تليفون هههههههههههههههههههه شكرا على ردك يا ساسو

سماعة تليفون ايه اللزقه دي
مش تلاقي حاجه حلو شوية
طول النهار الواحد يكون حاططها

هههههههههههههههههه ما هما الشباب لما بيكلموا واحدة بيلزقولها ايوة زى سماعة تليفونك بالظبط لا دول زى الموبايل كمان ههههههههههههههههههههههههه

الحمد لله
انا عندي حساسية من الموبيل
مش بحب اشيلة
ههههههههههههههههه

ليه هو انتى كنتى بتاكليه و لا ايه