الف ليلة وليلة بطولة اعضاء منتدى احلامنا الحلوه تموووت من الضحك ....!!!

شكرا يا ميدوا على ردك

ومرورك ونورت الموضوع
احنا طبعا منقدرش نعمل حاجه فى المنتدى هنا من وراك

اما بالنسبه لساندرا انا اقدر ابهدله دى حبيبتى
بس هيه دوره بتقاوم الحكم المستبد كركر وتتنتقم منه
يعنى مناضله
مستعجل على ايه دورك جى هو احنا نقدر ننساك برده

الليله الرابـــعه
..
الف ليلة وليلة بطولة اعضاء منتدى احلامنا الحلوه تموووت من الضحك ....!!! - صفحة 2 Nosweat

كركر-: بت يا ملك..
- .........................
كركر:- انتى يا بت
ملك:- عاوز ايه ع الصبح
كركر:- هو انا نفسى فى ايه؟
ملك:- نعم يا خويا ؟
كركر:- ايوه يعنى واحد زيي المفروض يكون نفسه فى ايه ع الريق كده؟
ملك- يعنى انت مصحينى سته الصبح عشان تستعبط؟
كركر:- لا بتكلم جد والله
ملك:- اسأل الحمار
كركر:- منا بسأله اهو
ملك:- بقولك ايه سيبنى انام وبطل هبل عالصبح ............. ولا اندهلك عماد؟
كركر:- بعته يجيب فول
ملك:- طب اندهلك المخرج شاهين
كركر:- ده حمار .. مش عارف القوانين
ملك- طب اهمد بقي مش كفايه الملّه اللى ناقصه دى قطمت ضهرى
كركر:- اه دى المخرج شاهين اخدها اخدها
ملك- وأخدها ليه بقي ان شاء الله؟
كركر:- بيلعب صلح هو وعماد
كركر:- ايه الهبل اللى انا عايشه فيه ده يا ربى .......... يا عم انا هنـــام...
كركر:- طب بس استنى
ملك- ها
كركريار:- قولى بقي انا نفسى فى ايه؟
ملك:- يبنى انت اللى تقول مش انا .............. هى مش نفسك انت؟ ..... ده ايه التناحه دى
كركر:- طب بلاش السؤال ده ...... قوليلى
ملك- ها]كركر:- انا ناقصنى ايه؟
ملك- اللى نفسك فيه
كركر:- لأ تصدقي مفتحه
ملك:-................
كركر:-طب انا مش نفسى فى حاجه
ملك:- عشان مش ناقصك حاجه
كركر:- طب اعمل ايه فى المشكله دى؟
ملك:- تسيبنى انام
كركر:- طب كملى الحدوته بقي وخلاص
ملك:- لا لسه بدرى عليك لما تكبر
كركر:- لا هتكمليها والا أشيل ملّه كمان؟؟
ملك- يادى النيله يبنى عاوزه اناااااااااام
كركر:- طب قولى فى السريع كده
ملك:- اوكى .............. التعلب مشى ورا النعجه ............كركر:- كان ديب مش تعلب
ملك:- يا عم اخرص بئه
كركر:- لا
ملك:- خلاص اسكت بأه ............. الزفت مشى ورا النعجه وهى اخدت بالها وقعدت تقول يا خساره على ولادى رفيعين ومتكحولين
كركر:-ايه يا بت متكحولين دي؟
ملك:-يعني شبهك كده
كركر:-طيب يا ام نص لسان.. مكلتش معاه طبعا
ملك:- اه وفضل ماشى هى قعدت تقول يا خساره ***ى عيانين ومش عارف ايه وهيموتوا
كركر:- مكلتش معاه
ملك:- اه برضو وفضل ماشى وراها وهى قعدت تقول يا خساره ***ى عيانين واللى هياكلكوا هيموت
كركر:- مكلتش معاه اساسى
ملك:- لا اكلت المره دى ومشى وسابها فى حالها زى مانت هتسيبنى فى حالى كده عشان انام
كركر:- طب انا هعمل ايه بقي؟
ملك:- يا عم شوفلك كتاب حواديت واعتقنى بقي لوجه الله
كركر:- والله فكره

وفى المساء

لنا عوده

انا من الحرافيش يا شوشو بقى كده ولا كمان دور بيئه طحن

بس تصدقى موضوع حلو والله هههههههههههههه

الف ليلة وليلة بطولة اعضاء منتدى احلامنا الحلوه تموووت من الضحك ....!!! - صفحة 2 Coolte10

ميرسى يا
على المرور والرد بس ايه رايك فى الدور

مع تحياتى

الف ليلة وليلة بطولة اعضاء منتدى احلامنا الحلوه تموووت من الضحك ....!!! - صفحة 2 Coolte11

وفي المساء
____________

كركر:- يلا يا بنتى قولى الحدوته خلصينا
ملك:- والله يا لطوفي شكلك بيبقى باين قوى وانت عامل مصيبه ......... قول ومش هعملك حاجه
كركر:- معملتش حاجه
ملك:- يبنى قول احسنلك
كركر:- بقولك معملتش وقولى الحدوته بقي بتاعة الليله دى
ملك:- اوكى هنشوف ............. مره كان فيه ديك..............
كركر:- اللى كان احمر ده؟
ملك:- اه انت عارفها؟
كركر:- اه سمعتها زمان
ملك:- طب مره كان فيه فار اسمه........
كركر:- فرفر؟
ملك:- اه انت عارفها برضو!!
كركر:- اه قديمه قوى دى
ملك:- غريبه ........... طب اسمع حكاية القرد سعدان
كركر:- يااااااااااااااااااااااااه دى من وانا فى كى جى تو دى
ملك:- انت قعدت على جهازى؟
كركر:- هههههههههههههههههه حد يحط موقع القصص على الـ favorites يا هبله؟
ملك:- اه هى بقت كده طب مش هحكى حاجه
كركر:- عماد
عماد: امرك مولاى
كركر: طير رقبتها
عماد: امرك مولاى
ملك: بأه كده يا عماد........... يخونك العيش والملح؟
عماد: معلش يا ست ملك اصل انا نقلت الموقع انا كمان
ملك: اهون عليكوا؟
كركر: اه
عماد: اه
ملك: طب احكيلكوا حاجه من الذاكره
كركر: هممممممممممممممممممممممممممم
عماد: نسيبها يا باشا ولو معجبتناش نطير علطول
كركر: اوكى احكى يا ملك
عماد: اه احكى يا ملك
كركر: امشى اطلع بره *** ....... انت هتصاحبنا ولا ايه؟
عماد: خارج يا عم متزقش ............... وله يا المخرج شاهين انت يا لوح

كركر:- احكى يا ستى كده اما نشوف
ملك:- ماشى بس مش هعديهالك دى ابدا
كركر:- اللى تقدرى عليه اعمليه
ملك:- ماشى وربنا منا سايـ.....
كركر:- انتى هتحكى ولا هنحوَّر كتير مع بعض؟
ملك:- خلاص يا عم هقول ............... بيقولك مره كان فيه فيله اسمها نانى جايه تبع السيرك .......... عارفه؟
كركر:- خلصى هو فيه حد ميعرفش السيرك
ملك:- ماشى صوتك عــالى وهشوف انا الموضوع ده بكره .................. المهم الفيله كلها كانت متعوده تشرب من واد اسمه سفير الرومانسيه قام جه الفرعون العاشق مدير السيرك..........
كركر:- ايه القصه اللى كلها اسامى دى؟نانى وسفير الرومانسيه الفرعون العاشق............ بذمتك فيه قصة اطفال يبقى فيها الفرعون العاشق ملك- كده طب والله لانا نايمه وهكملهالك بكره
كركر:- لا مش بمزاجك
هدهده- لا بمزاجى بقي..... اتفاقنا على كده اقول اللى انا عاوزاه اول ليله بس اخلصها تانى يوم وانا كده تعبت
كركريار:- لا قفلت معايا بقي وهتكمليها النهارده
ملك:- مش مكمله حاجه
كركر:- طيييييييييييييييييييييييييييييييب ............... عمادددددددددددددددد
عماد:- مش فاضى
كركر:
المخرج شاهين
:- بقولك ايه بنلعب صلّح تيجى تلعب معانا ولا تنام؟
كركر:- اه يا انــدال ماشى بكره يا ملك............... شكلى بكره هموت تلاته مش واحد بس________________

ــــــــــــــــــــــــــــــــــــــــــــــــــ ــــــــــــ
اتمنى انها تكون عجبتكم القصة
بس ياريت الناس اللى ذكرت اسمها
ما تزعلش منى والله الناس دى بعزها جدا
لكم منى خالص التحية والتقدير
ههههههههههههههههههههههههههههه

ابقوا معنا

هههههههههههههههههههههههههه بجد بجد جامده يا شوشو يعنى عماد بقا السياف و لا ايه دا بيخاف من دم الفرخه المدبوحه ههههههههههههههههه

هههههههههههههههههههههه
بقى عماد بيخفى من دم الفرخه المدبوحه
فينك يا عماد

F@T@L TE@RS كتب:: طبعا مستنيين الحلقه الجايه منك يا شيماء بس متخافيش يا ملك كركر مش هيقدر يعملك حاجه طول ما انتى بنتى انا هروح اهد على دماغه القصر الحلقه الجايه متخافيش

مادام انت شجاع قوى كده يا بابا

جوزتنى ليه من الاول ليه

مش حرام ترمينى للتهلكه كده

وكمان عماد طلع السياف
وانا بقول عليه طيب

عمه هنشوف اخرتها مع عم كركر ده
شكله هيطلع روحنا

ايه ده انا بخاف من دم الفرخه يا امجد
والله لادبحك انت وبنتك
ولا اقولك عشان بنتك زى القمر هندبحك انت بس
يا واد ده انا دون جوان
هتشوفوا هتشوفوا
وتسلمى يا شوشو
انتى المخرجه
وبجد جامده
احلى احلى احلى الف ليله وليله قريتها
لاحلى شوشو فى المجرة
ورده

ميرسى يا عماد على مرورك وردك الجميل
ونورت الموضوع بجد
وعاوز نشاهد يوم الذبح وهنعمل يوم عالمى لذبح امجد


	ترن ترن ترن كركر وصل انتوا تاني انتوا بتماطلوا فى ايه بس ما هيا هتكمل الحدودته الاول وبكره نخلص على ملك ألى زهقتنى بس والله دورى عسل تسلمى يا شيماء

ايه يا عمدا انت نسيت لما الصرصار جه على هدومك عملت ايه ؟؟؟ و لا تحب اسيح و اقول انك صوت و لميت علينا الخليفه كله عشان حتت صرصار و عايز تفهمنى انك هتعرف تدبح هههههههههههههههه

و انتى يا ملك انتى متعرفيش انا جوزتك له ليه عشان نقتله و نستولى على المنصب انا و انتى يا بنتى خليكى ذكيه و فكرى

جميل يا شووووشووو
كملي الباقي بقي
منتظرين الجديد

F@T@L TE@RS كتب:: ايه يا عمدا انت نسيت لما الصرصار جه على هدومك عملت ايه ؟؟؟ و لا تحب اسيح و اقول انك صوت و لميت علينا الخليفه كله عشان حتت صرصار و عايز تفهمنى انك هتعرف تدبح هههههههههههههههه

و انتى يا ملك انتى متعرفيش انا جوزتك له ليه عشان نقتله و نستولى على المنصب انا و انتى يا بنتى خليكى ذكيه و فكرى

ايه ده كلكم عليا يا رعاع

جالك الموت ياحمايا

عليك اللعنه
خسئت وخسئت الرعيه كلها
ويخربيت الى بيحبك
ويخربيت الى بيكرهك وهو من جواه بيحبك
ويخربيت الى بيكرهك وهو من جواه بيكرهك وواحد واقف جنبيه بيحبك
سأطلق عليك القراصنه يا لعين قد انكشفت خطتك وسيتم خطف زوجه نهال pirat

بنوته زى العسل خالة ملك
ميدوا صبرا بن عم ملك
فى منزل امجد والد ملك
فى العصر
تصوير داخلى
امجد : ملك انت لسة عايشة الحمد لله
ملك : ايوة يا بابا مش قلتلك ما تخافش
ميدوصبرا :الف مبروك يا بنت عمى ولو انها جت متأخرة
ملك: ولا يهمك على اية على انى هموت ورقابتى هتطير
على العموم الله يبارك فيك
كركرقاعد يسمع وساكت فى انتظار ملك تقول حكايتها
وبعد فترة قال
كركر: اية يا ملك مش هتحكى ولا اية
ملك: اكيد واليوم غير كل الايام عندى حدوتة جنان
كركر: قولى يلا بسرعة
ملك: كان يا مكان فى ايام عصرية فى سنة 2008
بنوتة جميلة كانت تعيش فى اسرة متواضعة
بنوته زى العسل :استنى يا ملك عاوزة اسمع
ملك: طيب ما تخافيش انا لسة فى البداية تعالى
وبعدين كان الاب والام مشغولين عنها ........
المشهد
الجميع فى سكون يستمعون ملك
وفى ترقب لما سيحدث
ملك: وطبعا انتم عارفين ان فى هذا العصر المتطور كثرت التكنولوجيا وكمان كثرت معها المشاكل
كركر: ويا ترى مين السبب شكلى هاسمع قصة لها العجب
ملك: مع الجهل اللى كثر والاستخدام الخاطئ لأشياء كتير حولنا ومن اهمها واخطرها الكمبيوتر
وطبعا البيوت كلها تقريبا امتلأت بة ومع الخطر الاكبر وهو الانتر نت
واللى كتير من الناس بيستخدموة بطريقة خاطئة
بنوته زى العسل : بس يا ملك اكيد لة استخدامات مفيدة
ملك: بالطبع انا لم انكر بس كل شئ زى ما لة ايجابيات لة سلبيات
ميدو صبرا: المهم يا ملك اية اللى حصل للبنت
كركر: واية كمان خطر الكمبيوتر والانترنت عليها
ملك: بس لو تصبروا شوية
هتعرفوا القصة وما فيها
.............الجميع طيب يا ستى كلنا اذان صاغية .......
ملك: اوكى
عارفين طبعا ان الشات واللى بيتم استخدامة وبطريقة غلط وخصوصا من جهة الشباب
وقلتلكم قبل كدة ان البنت كانت وحيدة وكان الكمبيوتر هو صديقها الصدوق
وفى انشغال الاهل عن البنت قامت علاقة بينها وبين وحش وحش من وحوش الانتر نت
كركر: طيب عادى واية يعنى ممكن بكل بساطة تنهى الكلام معاة وتغير الموقع اللى بنتتكلم فية
ملك: لو كانت الامور هكذا لما كانت المشكلة
كركر: واين المشكلة
ملك: الشاب وبعد وقت طويل من الكلام طلب مقابلة الفتاة على اساس انهم يتعرفوا ويبدأوا مع بعض حياة جديدة سعيدة وكمان هيروح يخطبها من بباها
.................الجميع فى كلام متداخل
امجد: طيب الولد نيتة خير وكمان ليس فى كلامة ما يدل على انة وحش كما تقولين
بنوته ذى العسل :وكمان ما فيها مشكلة انة يتقابل فى مكان عام بين الناس وكمان زى ما قال والدك
نيتة خير
ميدو صبرا بس انا حاسس ان فى حاجة مش تمام لأنها قالت علية وحش وما لة امان
ملك:ايوة كلامك مضبوط
بعد ما تمت المقابلة وخلاص الموضوع كان عادى وما فى مشكلة
اتفجأت البنت انة اكبر كداب وانة لا يعمل بالوظيفة اللى حكا عنها فى الكتابات
ومش كدة وبس وطلع كبير فى السن حوالى 10 سنوات
كركر: وبعدين اية اللى حصل
ملك: البنت ما عجبها الحال وقالت لة لازم ننهى علاقتنا وفى الحال
وهنا ظهرت الندالة
قالها مش هتقدرى انا مسجل كل المكالمات التليفونية ولو تركتينى هقدمها لأهلك هدية
كركر: وبعدين اية اللى حصل والبنت عملت اية
ملك: لأ انا تعبت ومش هقدر اكمل النهار دة
خليها بكرة
يلااااااااااا
سلاااااااااااااام
انتظرونا

الله عليكي والله جميلة من يوووووومك
يلالالالا يا قمر منتظرين القاادم

الليلة السادسة
بالصباح الباكر
الح الكثيرون على ان تكمل هدهده قصتها
ولكنها كانت حريصة على ان تكملها للأستاذ طه(ابو تريكه) صديق العائلة
وعندما حضر الى حديقة البيت جلسوا جميعا
وبدأت ملك فى سرد باقى الاحداث
امجد: يلا يا ملك عمك نور العاشقين جه جة احكى بقا
ملك : طبعا عرفنا الامس ان الشاب الغير مهذب هدد الفتاة انة يقدم المكالمات المسجلة
ولكن الفتاة ردت بأنها
لا تخاف لانها لم تقل شئ يهين اهلها فكل كلامها كان بأحترام
ميدو صبره: الحمد لله انتهت واتخلصت منة
ملك: يا ريت كانت هذة النهاية
ولكن الشاب هددها بشئ اخر وقال اذا لم تكن تلك المكالمات تهمك فانا اخترقت ملفاتك واخذت صور لك وعملت صور لو اهلك رأوها لن يحدث ما يسر
وهنا وقفت الفتاة وقالت
كيف اتصرف
اما ان استسلم واما ان احارب
ولكنها سمعت عن مباحث الانتر نت
وبسرعة ابلغت عن ما حدث لها
وفى الحال قبضوا علية والحمد لله
الجميع
الحمد لله
بنوته ذى العسل :وربنا ينجى كل البنات
ميدو صبرا : قصة جميلة ومفيدة
طه:ويا ريت البنات يكون عندهم حذر ويجيدوا استخدام هذا الخطر
كركر: عادى يعنى القصة عادية
ملك : كدة طيب انت مخصوص محروم من الاستماع للقصة الجاية

تابعونا

وبعد ماخلصت ملك الحكاية
نظر السلطان كركر للموجودين بأستغراب
قـــــال
كركر: انت مين ياض انت وهو وهى
بنوته ذى العسل:انا خالة ملك
كركر:وانت مين ياض
ميدو صبرا:انا ميدو ابن عم ملك
كركر:ميدوالمركب اللى تودى
كركر: وانت مين بسلامتك
طه:انا طه صديق العائلة
كركر:حصلنا الرعب والتهديد
كركر:قوم ياض انت وهو وهى من هنا انتو فكرينها مصطبة ها تتلموا عليها
ملك:ايه ده يا كركر انت بتطرد قرايبى ادامى ليه كدا بقا
كركر: اتلمى يا بت خلى ليلتك تعدى
ميدو صبرا:ليه كدا يا ابو السلاطين ده احنا كونا زمايل فى كى جى تو سوا
كركر: يا عماد
عماد: امرك يا سعت الباشا السلطان
كركر:مشى الناس دى من هنا هما فكرينها ميغة
ملك: بقى كدا طيب مافيش حواديت من هنا ورايح
كركر: ليه هو بمزاجك ده على مزاجى انا
ملك: هانشوف انا ولا انت ان ماكنتش اوريك النجوم فى عز الضهر
وفى الصباح على قهوة السكرية الثقافية
يا ترى حصل ايه مع الحرافيش
ابقوا معنا
فاصل ونواصل

عسل يا شيماء تابعى الدور

ايه ده بقى فين الحرافيش
كركر انت بتنصب شوشو ماكملتش
انا مستنى على نار هدبح مين هدبح مين

كوووووووووول يا شوشو
منتظرة القادم
يلالالالا يا قمر

عدل سابقا من قبل shimaa في 2008-09-03, 7:21 pm عدل 1 مرات

وفى الصباح
تصوير خارجى

قهوة السكرية الثقافية
ـــــــــــــــــــــــــــ
البرنسيسا (سوكا):يا فتاح يا عليم يارزاق يا كريم
اجعل نهارنا نادى
ساسو: صباح الفل يا نجمة ايه الاخبار مش تمام

سوكا : صباح الفل على عيونك يا ساسو الحمد لله تمام

ساسو: أُمال فين باقى الحرافيش

سوكا: لسة مشرفوش

ساسو: هاتيلى واحد شاى والسكر برا

سوكا: حاضر بس كدا حسابك تقل اوى يا حاجة

ساسو: معلش خليها المرادى على النوتة

وجت كبيرة الحرافيش
توتا
توتا: صباحكوا نادى يا حرافيش

الحرافيش:نهاروا أبيض زاى لبن الحليب

توتا: إيه مفيش اخبار عن ملك اذا كانت طارت رقبتها ولا لسة

ساسو: أنا سمعت يا ختى انها لسة عايشة
بس باين عليها مورياه النجوم فى عز الضهر

نانى: أحسن خليها تسقيه من كيعانه ده ياما ورانا
المر ده زهقنا فى عيشتنا

وجِه ابو تريكه

سفير الرومانسيه : صباح الخير على عيونكم المدعمسة يا حرافيش

الحرافيش : صباح الفل على عيونك المقفلة

سفير الرومانسيه: أنا مش عارف اصتبحت بوش مين انهارده

ملكه القلوب : ايه مالك بتخانق دبان وشك ليه فى ايه مالك

سفير الرومانسيه: يا ستى خليكى فى حالك
وهو فى سره (اكيد اصتبحت بوش سلطان الغبره)

سفير الرومانسيه: الحقنى يابنى بالشيشة دى حاجة تعكر الدم ربنا يتوب علينا من المدعوءة دى

توتا: مالك فى ايه على الصبح

ساسو: اكيد عرف حاجة عن السلطان المحترف

سفير الرومانسيه: والنبى يا ختى خليكى فى حالك
مش كفاية قرفنا فى عيشتنا ومش مخلينا نعرف نتكلم كمان

الحرافيش فى صوت واحد : لا ده زودها اوىكركراللى محسوب علينا سلطان ده

وفى قصر الوزير امجد
وكان الحوار بينه وبين نانا
ياترى حصل ايه؟
خليكوا معانا

فاااااااصل قصير ونواصل

__________________

فى الظهر
تصوير داخلى
بيت الوزير المبسوط
ــــــــــــــــــــــــــــــ
نانا: قوم ياراجل بقينا الضهر

امجد: ياولية احنا لسة اصطبحنا سبينى انام شوية

نانا فى سرها : نامت عليك حيطة يا بعيد
ياراجل قوم عاوزة اطمن على البت عاملة ايه مع الموكوس السلطان

امجد: اطمنى لسة عايشة سبينى انام شوية ربنا يخدك

ويجلهم ميدو صبرهــــــــــــــ
ميدو: نهارك عسل يا عمى الوزير امجد

امجد: أهلا بأبن اخويا الغالى

ميدو: ازيك يا طنط عاملة ايه انهارده

نانا: طنط فى عينك ايه طنط دى ياواد خلى عندك زوق شوية

ميدو: أُمال عاوزانى اقولك ايه يا حجة

نانا: قولى يا ننونا حاجة كدا مش طنط

ميدوفى سره : {ننونا جاتك البلا وانتى شبه عبد الحميد صاحبى}

نانا: بتبرطم تقول ايه يا واد سمعنى صوتك

ميدو: بقول يا جمال رقتك يا مرات عمى يا حلوة
وفى سره برده { ربنا ياخدك }

نانا: وانت يا اخويا صحصح كدا خلينا نشوف البت

امجد: لأ انا مش رايح انهارده خدى ميدومعاكى

ميدو: لا ياعم انا مش رايح كفاية انه طردنا طردة ........ من هناك وخلى قفانا يقمر عيش

نانا: ليه عمل فيكوا ايه المنيل ده

ميدو: قالى ياختى واحنا قاعدين فى امان الله قال انت مين ياض انت وهو وهو قولتله انا ميدوقالى المركب اللى تودى

نانا: طيب خليك انت هنا وانا اللى هاروح وعلى الله يقول اى حاجة لما اروح عشان افرشله الملاية واخلى اللى مايشترى يتفرج عليه
وانت يا وزير الغبرة هاتيجى معايا ولا هاتنام

امجد: جاى معاكى الاقيها منك ولا من سلطان المخروبة دى

وراح امجدمع نان الى قصر السلطان كركر
ياترى حصل ايه خليكوا معانا
فاصل ونواصل

__________________

كل عــــــــام وأنتم بخيـــــــــر
"رمضــــــــــان كريم"

الف ليلة وليلة بطولة اعضاء منتدى احلامنا الحلوه تموووت من الضحك ....!!! - صفحة 2 1219839005

» ومنى احلى نكت لاحلى منتدى احلامنا
» نكت تموووت من الضحك
» ألف ليلة وليلة
» ا النسخة الاصلية الغير محرفة والغير معدلة لألف ليلة وليلة
» الله ياخذ كل اعضاء المنتدىومشرفين المنتدى لأنه منتدى