يوم من عمرى & لكل الاعضاء تتفضل معانا

طيب امجد واخد اجازة يا ملك وبيفكر شوية انه يرجع ولا لا
انا من هنا بقول لامجد يا امجد لازم ترجع وما ينفعش اللي انت بتعمله ده
ويا ريت كلكم تضمو صوتكم لصوتي
وميرسي ليكي يا ملك علي الموضوع الجميل ده

بس يا ريت انتي اللي تحكيلنا يومك بقي
طالما ان امجد مش هيحكي
نبقي نصطاد امجد لما يروق ويرجع تاني

لالا مادام امجد غير رايه يبقى هوه اللى معانا المره دى
وانا بعديه ان شاء الرحمن
يلا بقى يا امجد متتاخرش علينا

انا جيييييييييييت و هاقولكم يا ستى يومى الممل بيبقى عامل ازاى

اولا بصحى من النوم الطويل بتاعى حوالى الساعه 5 العصر كدا او 6 على حسب يعنى انا نايم امتى و غالبا بصحى على مصيبه يعنى ساعات تيتا تيجى تصحينى قوم عشان خالتك على النت ساعات ماما تيجى تصحينى قوم بقالك يوم نايم ساعات اصحى على صوت الموبايل واحد صاحبى يقولى تعالى انا بتخانق اروح اتضرب و اروح هههههه طبعا لا و الا مكانوش اتصلو عليا ما علينا من طريقه الصحيان المهم انى ساعت ما بصحى بصحى على مصيبه طبعا بقوم اخد دش حلو كدا و اشغل الكمبيوتر افتح المنتدى ارد على المواضيع و بعد ما بقفل بشوف فى اغانى جديده نزلت و لا لا لو فى بنزلها مفيش بقفل النت و بشغل اغانى و اطفى الشاشه و اطفى النور و اعيش فى حالة رومانسيه كئيبه و غالبا بنام يعنى و الاغانى شغاله هههههههههههه بعد كدا بتكون الساعه جت 8 كدا بلبس و انزل طبعا مع الشله الفاسده نتمشى و نرزل على خلق الله كلهم (الصبيان بس و الله عشان منقعش فى الغلط بس فاهمنى ) بعد ما بنتمشى و نقضى كورس الرزاله بنطلع على القهوة نكمل السهرة و لو فى فرح بنروح يعنى فى القهوة بقا بنقعد نجيب فى سيرة الخلق و كل واحد يقول نشرة الاخبار اللى عنده بعدها بروح على الساعه 1 كدا كل دا من غير اكل على فكره ساعت بقا ما بروح الساعه 1 اسمع الموشح المظبوط من الحاجه الوالدة انت طالع من غير اكل انت بتموت نفسك انت و انت و انت و انت و فى الغالب بحلف منا واكل يعنى طبعا بفتح الكمبيوتر تانى و افتح المنتدى برضه و اقعد عليه شوية بعدها بفتح الايميل لو لقيت نانا فاتحه بنقعد نرغى مش فاتحه بتخنق من الايميل و من النت و بروح قافله و مشغل نفس البلاى ليست بتاعت الاغانى الكئيبه بتاعتى اللى خلاص حفظتها بس برضه بشغلها يعنى و افضل قاعد لحد ما بعد الفجر بطلع اصلى و اتمشى شوية بعد الصلاة و اروح على الساعه السابعه صباحا كدا و ساعات بروح العب كورة بعد الفجر و اروح على 10 كدا و طبعا بروح ميت مش شايف ادامى بخبط على الباب و انام على السلم و اصحى الاقى نفسى على السرير و هكذا كل يوم

حياة ممله جدا صح ؟؟؟؟

لا ابدا مش ممله ولا حاجه
طب نعمل ايه احنا يا بنات مقضينها فى البيت
عمه مرسيه جدا يا امجد
لانك خلتنا نعيش معاك يوم
وربنا يسعدك ويوفقك

على ايه يا ملوكه ولا يهمك الموضوع جميل اوى بجد و ربنا يوفقك و يوفق الكل

بما انى انا اللى عليا الدور

فصلوا على النبى

(عليه افضل الصلاه والسلام)

انا بقىبصحى على الساعه واحده او اتنين اقوم اصلى الضهر

واعملى واحد كوفى ميكس افوق بيه

بعد ما اخلصه

اقوم طبعا ماما يا عينى فى المطبخ

لوحديها فبخلى عندى دم واقوم اعمل البيت اروقه واظبطه

طبعا اخلص على الساعه4 كده

ماما تكون خلصت الغدا نتغدى

واقوم اسمع شبابيك اللى مقدرش افوت منه حلقه

وبعدين وبعدين

اقوم افتح الكمبيوتر

العبلى شويتين

وممكن ازهق منه اقفله واقعد ارسم

طبعا متفهموش غلط انا رسمى على قدى تفاريح كده يعنى

افضل ارسم لغايه اما ماما تيجى تتخانق معايا عشان مبقعدش معاها

وقعده لوحدى

لاما ماما تقلى يلا نخرج ساعات بنخرج

ساعات بترازل وبقولها مش خارجه

وبعدين وبعدين

طبعا بييجى مسلسل نور

بترزع قدامه

لحد ميخلص وبرده بسمع الاعاده

تيجى بقى الساعه واحده

امسك الكومب

اشيك على الميل اللى عمه مبكلمش حد فيه خالص

واشوف المنتديات وكده

لحد الفجر اصلى الفجر ساعات بنام وساعات بقعد ارسم

بس هيه دى حياتى

معظمها ببقى لوحدى

بس مش محتاجه منكم الا الدعوات انا بامس الحاجه اليها

ربنا يهدينى ويوفقنى

ياريت مكنش ازعجتكم بيومى الغتيت

بس خلاص

بعد الفاصل هنشوف مين معانا

هيحكى يومه

بما انا وامجد حكينا يومنا
هيكون معانا مين معانا مين

Emad El-banna

يلا بقى يا عماد متتاخرش علينا

أزيكم ياشباب ويا بنات
وميرسى ليكى يا ملك أنك دعتينى
ندخل فى الموضوع
****************
يومى كان أزاى
أنا النهاردة صحيت عالصلاة
والعادى بعد الضهر فى الايام العادى
رجعت قعدت عالكمبيوتر شويه نزلت كام أغنية عالموبيل وبعدين
أبتدينا
أفتح الميل أكلم الزمايل والأصحاب ودخلت عالمنتدى
وأفضل أسمع فى أغانى قتمه وكئيبه لحد ماأجى أتغدى
وبعد الغدا
أبدأ أشغل أغانى معقولة زى تامر أوصفهالك
وأفضل عالكمبيوتر لحد ما أجى أنزل بعد المغرب مع أنتيمى حضرة القبطان محمود
ومن ثم نزلت ألف فى الشارع نشوف أصحابنا وكان فى أيام نشوف الجيرل فريند
بس حاليا خلاص أتشال من جدول أعمالنا
وروحت ظبطت شعرى وظبطت النيو لوك طبعا أمجد مسيحلى قبل كده بسببه
وبعدين بروح عالساعه 11 او 12
وده بسبب مرور بلدنا العظيم
والسبب أن الفترة اللى فاتت كنت بنزل انا والواد أنتيمى بالكار وكنا بنروح متأخر
بس نعمل أيه حكم القوى عالضعيف
وبعد ما أروح أتعشى
ونبدأ الفترة المسائية عالكمبيوتر
أسهر لحد الساعه 7 او 8الصبح عليه
وساعات بنام بدرى مش أكتر
واخر حاجه فى يومى مكالمه اخر الليل
اكلم اغلى انسانة على قلبى
ده اذا ماسهرناش عالموبيل وننام
وبكده انتهى يومى المحترم
يوم من عمرى & لكل الاعضاء تتفضل معانا - صفحة 2 Sa-tea17

يوم من عمرى & لكل الاعضاء تتفضل معانا - صفحة 2 Sa-tea17

شكرا ليك جدا يا عماد
انك خلتنا نعيش معاك يوم

وربنا يوفقك

وبما ان عماد حكالنا يومه

فهتبقى معانا بنوته بحبها قوى

مين

هيه

ساسو

يلابقى يا ساسو متتاخريش علينا

هاي والله عليكووووووو
اقصد يعني
السلام عليكممممممم
انا يومي مش يوم
انا يووومي ربع يوووووم
بمااني في اجااااااااااازة اللي هتخلص قريباااااا
فتلاقيني في معظم الوقت واحيانا الوقت كله كده فاضية
وطبعاا مقضياها كمبيوتر
شوية نت وشويتين العاب
انا بصحي الساعة 10 اصل انا نشيطة
سيبك من الفطار هو بيتعمل لوحده يعني بيبقي غدااء
وبعدين شوية كمبيوتر علي كام ماتشين كورة بموووت انا في اللعبة دي
وكام اغنيتين للولا تامر شاكر وهيثم حسني وحماده عجرم ونانسي هلال
وحماقي الجديد كله
وبعدين بقي افكر اساعد مامتي بمااني اصغر واحده في اخواتي النوغة يعني
داطبعا بعد ماتقولي طبعا وتشد فيشة الكمبيوتر اقوووووم
اخلص ترويق البيت دابعد ماانا اتروقت
وارجع تاني كمبيوتر ولما ازهق بقي منه
تليفزيون افلام اجنبي اكشن طبعا وياسلام لوفيلم رعب
وبعدين كام فيلم عربي كده جديد طبعا
ولو حبيت اخرج ازور اصحابي يعني بخرج
بس مش كل يوم
وبليل بعيد اللي عملته الصبح
نفس الاغاني علي كام ماتش يعني كده
وادخل علي كل لعبة شوية بقي
اخلص مستويات لعبة السمكة
وبعدين بيت الرعب
وبعدين بقي
انااااااااااااااااااااااااااااااااااااااااااااااااااااااااااااااااااامممممممم
الي جانب اني طبعا محافظه علي الصلاةفي وقتها طبعا
وانا بنام الساعة 2 علشان اصحي بدري
وده يومي وكل يومي هو يووووووووم عيالي طبعااااااااا
انما بقي في الدراسة شكل تاااااااااااااااااااني
وميرسي جدااااااا يا ملك انك اختارتيني

وسوري يا قمر علي التاخير

بتلعبي فيفا كام يا ساسو

والله جامد اوي يومك بصراحة
بتخيل منظرك وانتي رابطة الاشارب كده وماسكة المنفضة وبتروقي الشقة
ربنا يخليلك مامتك والله عشان تطلعه عليكي كل يوووووووووم

يالا يا ملك مين الشاب او الشابة الي عليها الدور
عايزين نختار المزين

انا بلعب 98دي اللي داخله مزاجي
يارب يخليها ليا
ماهيه بتروقني قبل ماانا ارووووووق

لسه علي ادك 98
يا بنتي انتي علي ما توصلي للفيفا اللي انا بلعبها تكوني عجزتي

يااااااااااااااااا عممم صلي علي النبي انا اصلالالالا متعوده عليها من زماااااااااان
وصنف مش بغيرة وهو فريق واجد اللي بلعب بيه وساعات بغير بالتاني
يااما الارجنتين او نيجريا
بس بدخل اجوان اجوان يعني
مش انت اي نعم بتلعب
بس انت هتكون ايه غير حارس مرمي Very Happy

هههههههههههههههههههههه
ماشي ماشي
والله تلاقيكي ما تعرفي اساسا مين اللي بيلعب في نيجيريا
طيب دانا الاعبك بالماوس المعفن ابو بكرة ده واغلبك كمان
وساعتها بقي هتلاقي الحارس اللي مش عاجبك ده بينتشر في كل ارجاء الملعب

طب ايه رايك بقي ان انا احسن واحده تلعب بالماوس
عمرك ماهتصدق كمية الاجوان اللي بدخلها
داانا بخلي حارس المرمي بتاعي يدخل الاجوان من غير ما يتحرك
ولا يبذل اي مجهود
تعرف انت بقي تلعب كده

ههههههههههههههههههههههههههههه
اه يا هبلة بتجيبي اجوان في نفسك

وقاعدة تقوليلي نيجيريا وعاملالي فيها اوكوشا
ربنا ما يحرمك من العبط ابدا

saso كتب:: هاي والله عليكووووووو
اقصد يعني
السلام عليكممممممم
انا يومي مش يوم
انا يووومي ربع يوووووم
بمااني في اجااااااااااازة اللي هتخلص قريباااااا
فتلاقيني في معظم الوقت واحيانا الوقت كله كده فاضية
وطبعاا مقضياها كمبيوتر
شوية نت وشويتين العاب
انا بصحي الساعة 10 اصل انا نشيطة
سيبك من الفطار هو بيتعمل لوحده يعني بيبقي غدااء
وبعدين شوية كمبيوتر علي كام ماتشين كورة بموووت انا في اللعبة دي
وكام اغنيتين للولا تامر شاكر وهيثم حسني وحماده عجرم ونانسي هلال
وحماقي الجديد كله
وبعدين بقي افكر اساعد مامتي بمااني اصغر واحده في اخواتي النوغة يعني
داطبعا بعد ماتقولي طبعا وتشد فيشة الكمبيوتر اقوووووم
اخلص ترويق البيت دابعد ماانا اتروقت
وارجع تاني كمبيوتر ولما ازهق بقي منه
تليفزيون افلام اجنبي اكشن طبعا وياسلام لوفيلم رعب
وبعدين كام فيلم عربي كده جديد طبعا
ولو حبيت اخرج ازور اصحابي يعني بخرج
بس مش كل يوم
وبليل بعيد اللي عملته الصبح
نفس الاغاني علي كام ماتش يعني كده
وادخل علي كل لعبة شوية بقي
اخلص مستويات لعبة السمكة
وبعدين بيت الرعب
وبعدين بقي
انااااااااااااااااااااااااااااااااااااااااااااااااااااااااااااااااااامممممممم
الي جانب اني طبعا محافظه علي الصلاةفي وقتها طبعا
وانا بنام الساعة 2 علشان اصحي بدري
وده يومي وكل يومي هو يووووووووم عيالي طبعااااااااا
انما بقي في الدراسة شكل تاااااااااااااااااااني
وميرسي جدااااااا يا ملك انك اختارتيني

وسوري يا قمر علي التاخير

دنتى مقضياها ماشاء الله
لعب كوره هههههههههه
لا بس يومك جميل
وسورى انى اتاخرت عشان اشكرك انك
خلتينا نعيش معاكى يوم
بس وربنا اللى اخرنى العق اللى خدته ده
اسكتى يا ساسو خدتلى اربع غرز فى التمام

مرسيه جدا يا حبيبتى وملكيش دعوه بالواد ميدو
اعملى اللى انتى عايزاه

وبعد الفاصل نرى من سيكون معانا
حته عربى عدوهالى

الواد ميدو
طيب اما نشوف بقي مين اللي هيبقي .... هاه اظن انتي فاهماني بقي
بلاش نسيح

صراحه مش فاهمه تسيح لايه بالظبط بس ماعلينا

وعمه يسيدى ولاتزعل نفسك

الدكتور الكبير ميدو

وبعد التفكير العميق

قررنا نحن
انه يكون معانا مديرنا العزيز كركر
bounce

يلا بقى متتاخرش علينا

اخجلتم تواضعنا والله
Embarassed

بسم الله الرحمن الرحيم

أولا مشكوره يا ملك على الموضوع الرائع ونشاطك الملاحظ فى المنتدى وشكرا على الرساله الخاصه بنذكيرى بأنه حان دورى
بس بجد أعزرونى انا مش فاضى اقعد على النت خالص

انتم بقه عايزين تعرفوا يومى كان عامل ازاى

احنا الناهرده الحمد لله يوم مفترج يوم الجمعه

انا صحيت على الساعه 12:15
قمت من السرير على الحمام وطبعا كان الفطار متحضر صليت ركعتين الصبح ورحت على الفطار علطول
كالعاده كان فول وطعميه والذى منه
قعدت اكل واثناء الاكل والعاده اتخنقت مع اخواتى لاسباب عديده المهم خلصت الاكل
دخلت على الكمبيورتر قعدت فتحت الايميل وفتحت المنتدى كلمت بعض الاشخاص وبعدين شغلت اغنيه على الماشى
لقيت اذان الجمعه والخطبه بدأ
دخلت عليا اختى بتقولى يلا روح صلى قولتلها فين الشاى
جابتهولى بارد لانها نسيته فى المطبخ المهم شربته
ورحت الجامع
وبعد الصلاه طلعت وقفت مع اصحابى
واتفقنا اننا هنروح عند صحبى علشان اخد الحاجات الجديده الى عنده على الكمبيورتر
رجعت البيت فكيت الهارد على السريع وخرجت رحت لصاحبى

ولما رحنا عنده عملى شاى تانى
اخدت الحاجات منه كنا الساعه وصلت 4

روحت البيت شغلت الكمبيورتر تانى وعملت اسكان على الكمبيورتر وفى اللحظه دى كنت بكلم عماد
المهم الغدى اتخضر قومت اكل وكالعاده خناقه مع اخواتى لاسباب
المهم قالولى حضر نفسك علشان هتروح بالليل تشترى كمبيوتر لبنت خالتك على الساعه 10
نفضت للموضوع ورحت قاعد على الكمبيورتر شغلت اغانى بقه وقعدت اسمه شعبى على رومانسى على حزين يعنى خلطبيته
لحد الساعه 7 لقيت واحد جارى بيكلمنى على الموبيل وبيقولى تعالا انا مستنيك بره علشان انا صلحت الكمبيورتر تعالا قسملى الهارد ونزلى ويندوز لسه هقوله انا مش فاضى لقيت اختى بتشدنى من قفايا عايزه تقعد على الكمبيوتر
المهم رحت لجارى وقعدت شويه لقيت الشاى جى
المهم الكمبيورتر كان فى مشاكل واسطوانه الويندوز ضاعت لقيت اختى بترن عليا
سيب الولد ورحتلها اشوفها عايزه ايه
لقتها بتقولى فى تلفون علشان
رحت اشوف مين طلع خال واحد صاحبى بيقولى الكمبيورتر بتاعه عليه فيرس اتورن وتعالا دلوقتى فرمط الهارد
قولتله بكره هجيلك
رجعت للولد تانى لقيته عاملى شاى تانى
المهم لقيته راح بيت عمه هو جنب بيتهم علطول رحت معاه قعدنا على الكمبيورتر كان مشغل فيلم اجنبى لحد الساعه 9:30
قولتله انا لازم امشى لانى رايح اشترى كمبيورتر
رحت البيت وبكلم خالتى قالتلى مش هنجيب كمبيورتر فقولت مصلحه
رجعت للولد تانى لقيته فى بيته وجابلى هارد تانى واسطوانه ويندوز وبيقولى يلا نزل الويندوز وانقل الحاجات الى هنا
ولقيت جاره التانى قاعد معاه شويه ولقيت عصير فروتى دخل
المهم السدى مش بيقرا اسطوانه الويندوز قولتله تعالى عند كمبيورتر عمك احسن
رحنا عن عمه قعدت اجرب منعش برضه نفضت للموضوع وشغلنا اغانى وافلام
لقيت بقه جاى شاى وكحك وبسكوت

وفضلت قاعد عنده لحد الساعه 3:00
فى الاخر قالى خد الهارد املاه من عندك
ركبت الهارد وشغلت الكمبيوتر
وفتحت الايميل وبفتح المنتدى لقيت رساله خاصه قولت مين يارتى
فتحت لقيت ملكه عايزانى ارد هنا فى الموضوع
دخلت الموضوع وشوفت الموضوع وشوفت الردود ونزلت ضغط على كلمه اضافه رد
وبعدين قعدت اكتب كل الكلام ده
وبعدين ضغط ارسل مساهمتك
وبس
fini
sh

ربنا يكون فى عونك كل الحاجات دى عملتها النهارده
هههههههه لا والشاى يعينى اللى بتلاقيه فى كل مكان

بس بجد يومك جميل جدا
وبيبين انك انسان بتحب تخدم
وتستاهل تبقى مديرنا فعلا

بس بجد مرسيه ليك جدا انا عارفه احنا تعبناك
بس كان نفسنا نعرف بتقضى يومك ازاى

وربنا يوفقك ويسعدك فى حياتك ان شاء الله

bounce

بما ان مديرنا حكالنا يومه
يبقى مين عليه الدور مين عليه الدور

هدور كده واجى اقلكم
سنعود بعد قليل

صراحه انا مش عارفه اختار مين
بس جاتنى فكره

نخلينا فى الديمقراطيه
واى حد يدخل يقول هوه عاوز يعيش مع مين يوم
واول واحد يقول هناخد العضو اللى عاوزه ده

بس ياريت يكون بيدخل المنتدى ومتابع

عشان صراحه انا اخترت اللى اعرفهم وبيشاركوا

تحياتى

malak كتب:: ربنا يكون فى عونك كل الحاجات دى عملتها النهارده
هههههههه لا والشاى يعينى اللى بتلاقيه فى كل مكان

بس بجد يومك جميل جدا
وبيبين انك انسان بتحب تخدم
وتستاهل تبقى مديرنا فعلا

بس بجد مرسيه ليك جدا انا عارفه احنا تعبناك
بس كان نفسنا نعرف بتقضى يومك ازاى

وربنا يوفقك ويسعدك فى حياتك ان شاء الله

بما ان مديرنا حكالنا يومه
يبقى مين عليه الدور مين عليه الدور

هدور كده واجى اقلكم
سنعود بعد قليل

مرسى يا جميل على الرد دا بس من زوقك

على رايك والله الشاى بيتحدف عليا كل لما اروح مكان الاقى شاى

أى طلب بس انا فى خدمتك ديما ووالله انت الى تستاهلوا تكونوا مديرين عليا لانكم بجد احسن اخوات واصدقاء ومن غيركم مكنش المنتدى هيبقى كده انا والله مش زعلان ان المنتدى مش فيه ناس كتير ومش كلهم حتى نشيطين بس كفايه انكم انتم الى فيه وانتم الى منشطينه دا كفايه عليا

» اتفضل موبايلك معانا يا .................same7
» عضوة مميزة معانا فين الترحيب
» النهاردة معانا عضو مفروض يتكرم
» يا شباب وبنات أحلامنا فيه بنوتة لذيذة معانا عرفوها معنى الترحيب