مــحــكــمــة الــحــب و الــرومــنــســيــة

قول والله العظيم اقول الحق

و الله العظيم اقول الحق

1- اسمك وسنك وعنوانك؟

الاسم : أمجد
السن : 18
العنوان : كفر الشيخ تقسيم 4

2- مفهوم الحب والرومانسيه بنسبه ليك؟

الرومانسيه ان تقطف وردة لمن تحب
الحب هو ان تزرع وردة و ترويها لكى تكثر و تهديهم لمن تحب
بمعنى ان الرومانسيه لحظه لكن الحب احساس

3-انتى شخصيه رومانسيه ولا واقعية؟

واقعى فى معظم الاحوال

4-مواصفات شريك حياتك؟وهل لاقيتها؟

تفهمنى و دى اهم عندى من اى حاجه
فعلا لقيتها و هى معانا على المنتدى

5-حلم ليك ونفسك يتحقق

ان ربنا يكرمنى و اتزوج الانسانه اللى بحبها و دا اكتر حلم ليا

6- هل الارتباط بشخص قبل القيام بالارتبط الرسمى صح ولا غلط؟

صح و غلط
صح لان لازم الواحد يتعرف اكتر على الانسان اللى هيرتبط بيه قبل الخطوبه عشان حتى متتحسبش عليه انه خطب مرة و فسخها لان دلوقت اللى بيخطب و يفسخ يبقى اكيد فيه عيب مفيش عندهم حاجه اسمها مرتحتش او مفهمتش
و غلط فى حالة العلاقات الغير شرعيه زى الزواج العرفى و الحوارات دى

7-ممكن تحب انسان كان مرتبط بكتر من واحد قبلك

لو كان مرتبط باكتر من واحد على اساس حب يبقى معتقدش لان الطبع غلاب و زى ما غدر بيهم هيجيله وقت و يغدر بيا
لكن لو مجرد صداقه بدون اى علاقات جانبيه اعتقد انه ممكن بس الكلام دا لو اتغير فعلا و قطع علاقته بكل الناس دول

8- كم مره كان فى قصه حب فى حياتك

قصة حب بمعنى قصة حب حقيقيه هى مرة اللى هيا مستمرة دلوقت و يا رب تستمر على طول

9- ايه رايك فى الحب فى فتره المراهقه

معظمه فاشل الا لو كان قايم على حب حقيقي مش مراهقه او تسليه او تقضيه وقت

10-الخيانه ؟ عاوز اعرف معناها عندك وهل كان ليك تجارب اتخنت فيها ؟

الخيانه هى مجرد التفكير فى شخص غير اللى انت بتحبه
يعنى مثلا انا كولد بنت ماشيه لو حتى فكرت انها حلوة يبقى كدا بخون اللى بحبها لان اللى بيحب بيشوف حبيبه دا احسن انسان فى الدنيا و لو مشافوش كدا يبقى مش بيحبه
اما موضوع انى اتخنت دا لسه محصليش بس لو حصلى مش هعرف الانسان اللى خاننى دا تانى مهما كان

11- اكتر حاجه ممكن تحرك قلبك وتخليك تتشد للانسان اللى قدامك

هدوئه و خفة دمه و ذكائه

12- ايه رايك فى الحب من طرف واحد؟ وهل انت جربته؟

اصعب انواع الحب الحب من طرف واحد
انا الحمد لله مجربتوش

13-هل جربت الحب الاول؟ وهل فشل ولا مستمر؟

جربته بس مكنش حب و فشل طبعا كانت مراهقه او تقضية وقت و عمرى ما قلتله كلمة بحبك لانى كنت عارف انه هيفشل و كنت حالف انى ما هقول بحبك غير للانسان اللى هحس انى قادر اكمل حياتى معاه

14--ايه رايك فى الحب من اول نظره؟ هل فعلا هو فى حب من اول نظره

ايوة فى حب من اول نظرة و عن تجربه

15-لو بتحب انسان هو مش عارف ممكن تروح ليه وتعرفه مشاعرك من ناحيته؟

استحاله عمرى ما رحت و صارحت واحدة بمشاعرى لانى لو عملت كدا و طلعت مش بتبادلنى المشاعر دى ممكن يحصلى حاجه لانى حساس جدا

16-لو بتحب انسان واهلك مش موافقين عليه؟ هيكون ايه موقفك؟

هفضل معاه و هحاول اقنعهم لان انا اللى بحبه مش هما و لو هيبقى فى اضرار من ورا الموضوع دا من نحيت اللى بحبه هتضرنى انا مش هتضر اهلى

17-ايه رايك فى الاغانى والقصص الرومانسيه وهل الحاجات دى بتاثر فيك ؟

الرومانسيه لا
لكن الاغانى و القصص الحزينه بتاثر فيا جدا

18-ايه رايك فى الحجاب للبنات؟ وممكن تلبسى نقاب بعد الجواز وده عن راى شريك حياتك وانتى مش عاوزها؟

الحجاب مهم جدا لانه بيحمى البنت من حاجات كتير و من كلام اكتر
و النقاب امر اختيارى لانه هيفرض على البنت حاجات ممكن هى مش تقدر تلتزم بيها داا غير ان التعود عليه صعب

19-حكمه انت ماشي بيها فى الحب؟

فى الحب لا تفرط فيمن اشتراك و لا تبقى على من باعك و لا تحزن عليه

20-فرق السن فى الحب ممكن تكون مشكله انك تحب شخص اكبر او اصغر منك بسنينن؟

فرق السن مش مشكله ابدا طالما الحب موجود

21-ممكن تحب من على النت ولا لا؟ وهل حب النت حب حقيقى؟

معتقدش ان فى حب على النت و بيبقى مش اكتر من تقضيه وقت و تجربه يعنى لانى عمرى ما هحب انسانه عمرى ما شفتها او عمرى ما احتكيت بيها و اتكلمت معاها و عرفت طريقه كلامها و تفكيرها

22-كثرت الارتباط يعنى لما يكون الانسان ليه اكتر من تجارب حب ده صح ولا غلط

صح و غلط
صح لانها بتكسبه خبرة كبيرة جدا فى التعامل و كل تجربه لازم هيستفاد منها حاجه
غلط لانها هتتحسب عليه قصة حب دا غير انه هيطلع من كل تجربة بجرح

23-لو اتقدم ليكى اتنين واحد فيهم متوسط الحال الاجتماعى واحد تانى كويس وممكن يجهز ليكى مستوى حياه كويس لكن الاول بيحبك وانتى واثقه من حبه والتانى من عارفه مشاعره من
ناحيتك ايه ؟ هتعملى ايه

مش تبعى السؤال دا بس انا لو بنت طبعا هختار اللى بيحبنى لانه اللى بيحبنى هيخاف عليا لكن التانى دا مش اضمنه

24-ممكن تجوز عن اختيار اهلك ولا لزم يكون اختيارك موجود؟

لا طبعا لازم انا اختار الانسانه اللى هحبها و اتجوزها لانهم مش هما اللى هيتجوزوا انا اللى هتجوز و هعيش معاها



و اخيرا شكرا على الاسئله الرائعه دى يا شيماء و الموضوع يثبت و يستحق التثبيت

شكرا يا جماعه على مروركم ونورتوا الموضوع
وشكراعلى الاجابات الصريحه دى يا امجد انت ونهال واسلام

shimaa كتب:

والرومانسيه كلنا طبعا عارفنهم كويس بس احنا بقا عملنا المحكمه عشان نعرف الحب والرومانسيه عن كل وحد فينا

فكره الموضوع ان كل مره هنستضيف عضو معانا فى المنتدى وهيدخل معانا فى المحكمه وهيبقا فى قفص الغرام وتتم المحكمه

وعلى الجميع الاتزام بكل قواعد المحكمه الحكم هيكون عادل باْذن الله وياريت يكون الاجابه صادقه

احنا عاملين المحكمه عشان كل وحد فينا يقف قدام نفسه مره وحده بقلبه وياريت اللى يدخل المحكمه يكون عقله بعيد عن رده

قواعد المحكمه

1- الاجابه عن جميع الاسئله بكل صراحه..........

2- تكون صادق

3- لاتحاول ان تبعد عن مضمون الموضوع

فكره الموضوع جميله جدا وهتعجبكوا يا جماعه ياريت كلنا نشارك كلنا نبقا مع بعض

وياريت محدش يفهم الموضوع غلط احنا مش هنخش فى خصوصيات حد احنا عاملينا محكمه عن الحب والرومانسيه


عوده محكمه الحب والرومانسيه

راجعين بشكل جديد

بمعلومات جديده عن ناس معانا فى السايت

هيكون فى مفاجئات

هيكون فى احكام جامده

هيكون فى حاجات كتير


نبدا المحكمه

قولي والله العظيم اقول الحق

1- اسمك وسنك وعنوانك؟
crizygirl-19
2- مفهوم الحب والرومانسيه بنسبه ليك؟
مفهوم الحب هو التسامح والغفران ومهما يحصل لايتركون الاحباب بعضهم


3-انتى شخصيه رومانسيه ولا واقعية؟
رومانسية اووووووووووووووووى بس واقعية بسيطة اووووووووووى فى اقل وقت
4-مواصفات شريك حياتك؟وهل لاقيتها؟
انه يخاف عليا ويحبنى - نعم لقيته بس للاسف سبنا بعض وانا ندمان اشد الندم انى سبته


5-حلم ليك ونفسك يتحقق
انا اكون مع اللى قلبى حبه ولسه بيحبه
6- هل الارتباط بشخص قبل القيام بالارتبط الرسمى صح ولا غلط؟

احيانا صح اذا كان هناك اتفاق مش تسليه

7-ممكن تحب انسان كان مرتبط بكتر من واحده قبلك
اه المهم من ساعة ماارتبط بيه

8- كم مره كان فى قصه حب فى حياتك

مره واحده وهو

9- ايه رايك فى الحب فى فتره المراهقه
يعنى شغال بس مش مستقر


10-الخيانه ؟ عاوز اعرف معناها عندك وهل كان ليكى تجارب اتخنتى فيه؟
الخيانة ان هو قولك انه بيحبك وهو لسه بيفكر ومنساش اللى كان بيحبها قبلك -اه جربته كان بيقول كده والله اعلم
11- اكتر حاجه ممكن تحرك قبلك وتخليكى تتشدى للانسان اللى قدامك
خوفه عليا واخلاقه طبعا وشخصيته
12- ايه رايك فى الحب من طرف واحد؟ وهل انتى جربتيه؟
اسيى حب فى الدنيا
13-هل جربتى الحب الاول؟ وهل فشل ولا مستمر؟
جربته وفشل وياريت يرجع تانى قولوا
14--ايه رايك فى الحب من اول نظره؟ هل فعلا هو فى حب من اول نظره
فيه بس نتيجة انك مكون صفات فى دماغك او عارفها بس فى احلامك
15-لو بتحبى انسان هو مش عارف ممكن تروحى ليه وتعرفيه مشاعرك من ناحيته؟
ياريتنى اقدر اعمل كدة كنت روح للى بحبه وكان معايا وخلته نرجع تانى
16-لو بتحبى انسان واهلك مش موافقين عليه؟ هيكون ايه موقفك؟
ياقنعهم يايقنعونى ونشوف مين اللى عنده حق ومش هسيب اللى بحبه نفسى يحصل كده
17-ايه رايك فى الاغانى والقصص الرومانسيه وهل الحاجات دى بتاثر فيكى؟
اه بتاثر وبحس ان فى اغانى معينة منطبقة على ظروفى وحالتى النفسية
18-ايه رايك فى الحجاب للبنات؟ وممكن تلبسى نقاب بعد الجواز وده عن راى شريك حياتك وانتى مش عاوزها؟
الحجاب حلو النقاب حلو بس مينفعش البسه ويمكن ربنا يخلينى البسه من ابسط الاشياء وعن شريك حياتى يقنعنى او اقنعه
19-حكمه انتى ماشيه بيها فى الحب؟
فى حكمه عجبانى بس بحاول امشى بيها مش عارفة (خد اللى يحبك ومتخدش اللى بتحبه)
20-فرق السن فى الحب ممكن تكون مشكله انك تحبي شخص اكبر او اصغر منك بسنينن؟
عندى عادى مش فارقه اللى يفرق بجد انك تبعد عن اللى بتحبه
21-ممكن تحب من على النت ولا لا؟ وهل حب النت حب حقيقى؟
اناحبيت من على النت قصدى اللى حبيته عرفته على النت فى بعض الاوقات بس قليل
22-كثرت الارتباط يعنى لما يكون الانسان ليه اكتر من تجارب حب ده صح ولا غلط
لا غلط كده يكون مقضيها
23-لو اتقدم ليكى اتنين واحد فيهم متوسط الحال الاجتماعى واحد تانى كويس وممكن يجهز ليكى مستوى حياه كويس لكن الاول بيحبك وانتى واثقه من حبه والتانى من عارفه مشاعره من
ناحيتك ايه ؟ هتعملى ايه
لو انا بحبه هواقف عليه هو الاول واكيد هشوف الاخلاق علشان مهمه
24-ممكن تجواز عن اختيار اهلك ولا لزم يكون اختيارك موجود؟

لازم طبعا يكون فى اختيارى علشان انا عهيش باقى حياتى معاه مش اهلى

1- اسمك وسنك وعنوانك؟ احمد علاء 18 سنه دسوق 2- مفهوم الحب والرومانسيه بنسبه ليك؟ الحب اجمل شيء في الحيا بس لو كان صادق 3-انتى شخصيه رومانسيه ولا واقعية؟ واقعي جدا 4-مواصفات شريك حياتك؟وهل لاقيتها؟ التدين والمحافظه علي بيتي وسري وان تكون متوسطه الجمال مش شرط جميله .... لأ لسه ملقتهاش 5-حلم ليك ونفسك يتحقق اني اخلف واد واسميه رامي 6- هل الارتباط بشخص قبل القيام بالارتبط الرسمى صح ولا غلط؟ مش في كل الاحوال 7-ممكن تحب انسان كان مرتبط بكتر من واحده قبلك لأطبعا 8- كم مره كان فى قصه حب فى حياتك 2 9- ايه رايك فى الحب فى فتره المراهقه فيه منه بيبقي صادق مش كله اسمه حب 10-الخيانه ؟ عاوز اعرف معناها عندك وهل كان ليكى تجارب اتخنتى فيه؟ الخيانه هي انك تحب شخص قوي وهو يمثل انو يحبك علشان مطامع شخصيه لأ محصلش اني اتخنت قبل كده 11- اكتر حاجه ممكن تحرك قبلك وتخليكى تتشدى للانسان اللى قدامك ضحكه وهزاره واحترامه للاخرين واهم حاجه طيبه قلبه 12- ايه رايك فى الحب من طرف واحد؟ وهل انتى جربتيه؟ الحب من طرف واحد اصعب حاجه في الحب نعم جربته مره واحده 13-هل جربتى الحب الاول؟ وهل فشل ولا مستمر؟ نعم جربته وفشل الحمد لله 14--ايه رايك فى الحب من اول نظره؟ هل فعلا هو فى حب من اول نظره اه طبعا بس بيكون صعب 15-لو بتحبى انسان هو مش عارف ممكن تروحى ليه وتعرفيه مشاعرك من ناحيته؟ اه طبعا ده اساسي 16-لو بتحبى انسان واهلك مش موافقين عليه؟ هيكون ايه موقفك؟ هحاول اقنع اهلي بكل الطرق 17-ايه رايك فى الاغانى والقصص الرومانسيه وهل الحاجات دى بتاثر فيكى؟ طبعا لما يكون في مشاعر حلوه جواك 18-ايه رايك فى الحجاب للبنات؟ وممكن تلبسى نقاب بعد الجواز وده عن راى شريك حياتك وانتى مش عاوزها؟ انا ولد للاسف 19-حكمه انتى ماشيه بيها فى الحب؟ اللي باعك بيعه 20-فرق السن فى الحب ممكن تكون مشكله انك تحبي شخص اكبر او اصغر منك بسنينن؟ لأ طبعا مش مشكله 21-ممكن تحب من على النت ولا لا؟ وهل حب النت حب حقيقى؟ فيه وفيه 22-كثرت الارتباط يعنى لما يكون الانسان ليه اكتر من تجارب حب ده صح ولا غلط صح لانه بيفيده في الاخر الهم يتعلم 23-لو اتقدم ليكى اتنين واحد فيهم متوسط الحال الاجتماعى واحد تانى كويس وممكن يجهز ليكى مستوى حياه كويس لكن الاول بيحبك وانتى واثقه من حبه والتانى من عارفه مشاعره من ناحيتك ايه ؟ هتعملى ايه انا ولد مش هتفرق 24-ممكن تجواز عن اختيار اهلك ولا لزم يكون اختيارك موجود؟

لازم طبعا اختياري ولازم موافقه اهلي

[/شكرا يا جماعه على ردودكم الصريحه دى ونورتوا الموضوع