23 سؤال جرئ جدا يا ريت نجاوب كلنا عليها

مفيش شكر بينا ياجميل
انا فعلا قلت الي حسه بيه
وانتي بجد انسانه جميله جدااااا
ودي حقيقه مش مجامله ابداااا
وربنا يخليكي ويوفقك يارب في حياتك
وميرسي ليك ياامجد ولكلامك وزوقك
بس بلاش منها حكايه هبه دي
مشيها توتااا احلهااااااااااا

i want forget heba for ever

تحيااااااااااتي

sndra
نصيحة لكى لا تحاولى انت تكتمى الحزن فى قلبك
لانه هيسبب بعد كدة اشياء لا تستطيعى ان تتحملها
ونصيحتى ليكى بليز لا تحاولى ان تكتمى حزنك حاولى انت ان
تكتسبى صديق او صديقة تاتمنيه على سرك
وتخليه يشاركك فى فرحك وحزنك
وانا بقول كدة ليه
لانى كنت زيك كدة فى الاول
ولكن اليوم لا استطيع ان اكتم الحزن فى قلبى
بس بجد اتمنى لكى السعادة على طول
وسارسل لكى الاشعار لحنا
هادئا ينساب سحرا
فى صدق كلماتى
لا تجزعى
لا تجزعى ان كانت الايام
قد عصفت بكى
فغدا سيعود لكى اللقاء لتسعدى
فلا تجزعى

ميرسي يا اسلام على كلامك الجميل ونصيحتك الاجمل
بس المشكله في الانسان اللى هاكتسبه كصديق
المشكله ان اللى باحبهم هما اللى مش باحب اشركهم في احزانى
عشان باحبهم وكل واحد في اللى مكفيه
انا اتعودت انى اخد منهم مشاكلهم واحاول اديهم حلول
واسمعلهم في كل الاحوال مبسوطين او زعلانين
لكن ما اتعودش انى احكى لحد
لان عمر ما حكيت لحد وادانى حل
فاوفر على نفسي وماقولش
وانا اتكيفت على كده خلاص

حاولى لو مرة
وهترتاحى صدقبنى
وعلى العموم انت حرة
مش هغصب عليكى
واتمنى ان تكونى سعيدة

اولا يا توتا انا لما كتبتلك يا هبه كنت بهزر معاكى بس يا جميل
ثانيا يا سندرا مقطعتيش و لا حاجه بس احب اقولك حاجه فى الصداقه انك بتبقى انتى و صديقتك او صديقك حاجه واحدة بمعنى ان كل حاجه فيكم بتتقسم على اتنين سواء فى الحزن او فى الفرح معنى كدا انك مش هتشيليه هم لا بالعكس هو او هى هتفرح لما هتلاقيكى بتحكيلها و صدقينى هتقف جنبك لحد ما تعدى محنتك دى و مفيش حد بيفضل زعلان على طول و نصيحه ليكى الحياة لا تقف مع احد او عند احد و لو دامت لغيرك ما الت اليك مش باقولك متزعليش لا لانك لو مزعلتيش متبقيش انسانه طبيعيه لكن متكتميش زعلك عشان ميأثرش عليكى سلبيا و لازم تدورى على انسانه او انسان يكون محل ثقه و تشاركيه فى احزانك و احزانه معلش طولت عليكى

علشان تصدقى اه
قلك اعز صديق ليا وكاتم اسرارى
وهو الان الى بيشاركنى فى حزنى وفرحى

لاطبعا يا امجد ماطولتش ولاحاجه
وميرسي ليك جدا انت واسلام
بجد اسعدونى بنصايحكم الجميله
وهاحاول ان اعمل بيها

يارب تعملى بيها
وياريت تبقى تقليلنا على النتائج بقى
ونشوفك سعيدة على طول

يارب يا اسلام
واشوفكم كلكم بخير يارب دايما
وسعدا يارب

1 - ياورد مين علمك تجرح ,,, تهدى العبارة دى لمين ؟؟

بهديها للقدر يجرحنى ويظلمنى

2 - اعتذار الرجل للمرأه ذل أم احترام للذات ؟؟
احترام وتقدير

لو كان غلط بل بالعكس يعلى فى نظر البنت الولد اللى يعرف غلطه ويعتذر لان مفيش انسان معصوم من الغلط

3 - هل بحياتك قصة حب الان ؟؟

لا
4 - هل ترى ان الحب الاول ناجح ام فاشل ؟؟

فيه حب ناجح وفاشل بس يتوقف على الاختيار الصح وانهم فعلا يكونوا بيحبوا بعض حب حقيقى حب بجد

ويكون بينهم وتوافق وتفاهم ونضوج فى التفكير

وخوف على بعض
دا اكيد هينجح

لكن فى حب بعد فتره يكتشفوا انه وهم وانهم ماكنوش بيحبوا من اصلوا
وانهم قدروا ينسوا اللى بيحبوا

وفى حب مصالح وتسليه

وده اكيد فاشل

5 - رتب هذه الكلمات على حسب اهميتها عندك !!!!
الصديق الحب المستقبل العائلى المستقبل المهنى المال

- غمض عينك دقيقه وتخيل قبلها انك صاحب الموقع ايه هو اول قرار هتاخده ؟

هغير حاجات كثيره هنشا اقسام اخرى هزود كتابات القسم الاسلامى هعاقب الاعضاء اللى مش بيدخلوا وهعاقب اللى مش بيردوا وهكافا اللى بيدخلو ويردوا

وهعمل قسم للمهارات الاعضاءالتى تعتمد على تفكيرهم وهوايتهم

7- ايه رايك فى الغيره ؟

الغيره مطلوبه وهيه طبيعه فى الانسان ولكن بحدود

مش غيره الشك اوالجنون اللى تخلى الانسان يبقى مش الشخص ده بسبب غيرته
8- تقول ايه للى ظلمك ؟؟
ربنا يسامحه ويهديه ويغفرله ويعرف طريقه الصحيح

9- سر لاول مره تقوله لنا هنا ؟؟

انا بحب الصراحه اووى
وانا فيه حاجه ممكن فى ناس بتعتبرها عيب فياانى لما بحب اى حد بحبه اوى ممكن اضحى بحياتى كلها عشان اللى بحبهم مهما كانو وانىا
حساسه اوى وايضا انى بتكسف واتحرج اوى

10- وجه نقد لكاتب الموضوع ؟؟

لا يوجد
11- كتاب حياتك عبر عنه في كلمات معدوده ؟؟
مرحله الطفوله سعيده بعد كده الم وعذاب وفراق وجرح وغدر ووحده

12- شخص تفتقده ,, من هو ؟؟
والدى

13- قرار اتخذته وتسرعت به و بعدين ندمت عليه؟؟

انى عرفت شخص ندمت على معرفته بعد كده

14- لا اسمع لا ارى لا اتكلم ,, متى تطبق هذه المقوله بحياتك ؟؟
لا تتفق معى هذه المقوله

15- قم بتوجيه نصائح الى خمس اعضاء قم باختيارهم انت ؟؟

مورا حاولى ان تفكرى جيدا فى حياتك وكونى متفائله
حاول تفكير فى قراراتك قبل اختياراها

محمد

ركز فى مذكرتك وربنا معاك ولا تزعل بسرعه من الناس

طه
ركز فى مذكرتك وربنا معاك

ساندرا

حاولى ان تحبى ما اخترتى

وكونى متفائله فليس كل الناس سواء فيه كويس وفيه الوحش

وركزى فى مذاكرتك وربنا معاكى واتمنى لكى التوفيق

no love
لليست الحياه كلها جرح وحزن فانظر للدنيا بسعاده وتفاؤل فليس
معادن ناس كلها شبيه
فابحث ستجد من يقدروك ويعزوك

اكثر

شي يحرجك ؟؟
ان حد يمدح فيا قدامى

17- لو الزمان عاد يوما ماالشي الذي ستفعله مره اخرى ومالشيء الذي لن تفعله مره اخرى ؟؟
ساختار من اعرف بدقه
سابعد عن من جروحنى وظلمونى

18- ملحوظه لاحظتها على عضو من الاعضاء ماهي ؟؟ ومن هو العضو ؟؟

العضوm

دائما ينتقد غيره

19- شيء حدث بحياتك غير مجرى حياتك ؟؟

وفاه والدى

20- كلمة تتمنى سماعها كل يوم ؟؟

دعاء امى كل صباح

21- هل جنس كاتب الموضوع له تأثير عليك لتضع ردا ؟؟
لا
22- في يدك ثلاث وردات .. هتديهم لمين ..؟؟
ورده لاسرتى
ورده لاصحابى

وورده لاى شخص يحتاج حب وحنان ولا يجده يتيم مثلا

23- سؤال للبنات " ماذا يعجبك في الرجل ؟؟ "؟؟ "

1-احترامه لنفسه ولغيره وتواضعه يكون متدين وطيب وحنين ورومانسى

2-شخصيته القويه وطيبته

3- رجوله شهامته معرفه للاصول والواجب

4- ذكاءه وان يكون لامح

5- انه يقدر يفهمنى من غير ما اتكلم يحس بيا

اوك شكرا لكى ووصلت فكرتك

ميرسي يا شيماء ع النصيحه الغاليه
وربنا يوفق الجميع يارب ويوفقك في حياتك

شكرا على مرورك الكريم يا شيماء و على ردودك الصريحه دى

يا نهاااااااااااار كل دة اتقال وانا ما اعرفش عنه حاجة طيب والله انا زعلان جامد منكوا والله والله زعلان منكوا ما حدش قاللى خالص ليه

طيب انا هبدا بالاجابه وبعد كدا ابقى اعاتبكوا بعدين

1- ياورد مين علمك تجرح ,,, تهدى العبارة دى لمين ؟؟

بهديها لجماعه اصحابى سابونى وجرحونى ولو ان انا مش فى دماغى جرحهم لان اللى ما يصاحبنيش ما يستهلنيش بس برضه وجعتنى شويه

2 - اعتذار الرجل للمرأه ذل أم احترام للذات ؟؟
لا طبعا مين اللى قال انه زل انت لو غلطان ما تبصش ازا كان امراة او رجل انت بتعتذر علشان نفسك انت انت اللى بتبقى غلطان وبتعتذر علشان غلطك ما بتفرقش بقى امراة ولا رجل والاغلبيه طبعا بيبقى احترام للذات

لو كان غلط بل بالعكس يعلى فى نظر البنت الولد اللى يعرف غلطه ويعتذر لان مفيش انسان معصوم من الغلط

3 - هل بحياتك قصة حب الان ؟؟

لالالالالالالا

4 - هل ترى ان الحب الاول ناجح ام فاشل ؟؟

الحب الاول دة بتفرق فى الوقت اللى انت حبيت فيه
يعنى انت لو حبيت وانت فى الثانويه العامه او فى الاعدادى دة اغلبوا طبعا بيبقى فاشل لان الولد اول ما يخش ثانوى يقول لنفسه يا لهوى دة انا بقيت راجل لا لا انا دلوقتى راجل ولازم اكلم بنات والبنت داخل فى الثانوى اللى داخله تحب برضه دة بيبقى اشمعنى صاحبتى تحب وانا لا طيب ما انا احب انا كمان فكل واحد من التانى مش قصدة انه يحب دة داخل يتسلى ودة اغلبوا فاشل اما اللى بدا فى كليات دة بيدور على واحدة يحبها بجد مش علشان يتسلى ولو قصدة تسليه يبقى هى برضه عارفه انها تسليه اما بقى لو حبها بجد هيحبها فعلا
ومتهيالى ما فيش كتير بيبداو يحبوا وهما فى الكليه

5 - رتب هذه الكلمات على حسب اهميتها عندك !!!!

الصديق -الحب - العائله - المستقبل المهنى - المال

- غمض عينك دقيقه وتخيل قبلها انك صاحب الموقع ايه هو اول قرار هتاخده ؟

متهيالى يا امجد انت عارف انا كنت هعمل ايه لانى عملت قبل كدا اللى فى دماغى
ههههههههههههههههه

7- ايه رايك فى الغيره ؟

على فكرة الغيرة جميله جدا
وكل واحد بيحب ان التانى يغير عليه
بس بحدود يعنى ما تكونش غيرة جامدة اللى هو ما تكلمش بنات خالص انت بتبص على البنت ليه رقم بنت مين دى ولا انت عارف البت دى منين
دى غيرة تخنق دى بقى هتبقى مضرة جدا جدا جدا لانها هتجيب مشاكل للركب
ولو البنت ما بتغيرش على الوالد
الولد هيزهق منها هيقول دى واخدانى عادى كانها مش بتحبنى لانها لما شافتنى ببص على البنت دى جامد او وقفت مع دى او دى ما بتتكلمش
دة برضه بيخنق
هى لو الغيرة وسط دى تبقى ممتعه جدا وكله نفسه كدا ان التانى يغير عليه بس فى المعقول يعنى

8- تقول ايه للى ظلمك ؟؟
اقوله
بكرة انا لو شفتك ما تخافش هبوظك على الاخر
هبعترك على الارض
الايام بينا
هتششششششششششششششووووووووووف
ههههههههههه
دخلنا فلم رعب جامد بموت انا فى الافلام دى
مش هقوله حاجة اصل انا ما بسيبش حد بيظلمنى غير لما اعرفه انه ظلم واحد غلط

9- سر لاول مره تقوله لنا هنا ؟؟

السر دة فعلا انا اول مرة اقوله هنا حتى امجد يمكن ما يعرفوش
انا فى ناس كتير فاكرانى طيب جدا
وفى ناس كتير فاكرانى صايع جدا برضه
بس ما يعرفوش انا من اهنى نوع
انا بقى من النوع الوسط
انا كنت فى السعوديه لما جيت من السعوديه دخلت المدرسه اللى هنا بتاعت الابتدائى والاعدادى اللى هى مدرسه السادات لو تعرفوها
انا كنت داخل ما اعرفش حاجة ما اعرفش اضرب حد ما اعرفش اعمل اى حاجة كنت فاكرهم كلهم كويسين
لما بداو يضربوا بعض وبداو يضربونى اتعلمت منهم انى ما اسيبش حقى
بس انا طيب وفى وقت الهبل ببقى اهبل وعبيط ومجنون كمان
فى الرحلات ممكن تشوفوا واحد تانى خالص
فى الخناقات تشوفوا واحد ما عندوش رحمه لو موت واحد مش هتفرق معايا
بس كل دة بعاتب نفسى عليه ببقى زعلان انى ضربت واحد او ازيته وفى نفس الوقت ما اعرفش اقوله حقك عليا لان هو اللى غلطان
وما اعرفش اعيط
بضيع زهقى فى اى حاجة تانيه غير العياط
سورى طولت عليكوا
ببس انت اللى عايز سر يا عم امجد

10- وجه نقد لكاتب الموضوع ؟؟
انت بتقول خلى لاحساسك جزء فى حياتك ازاى مش فااااااااهم
وضح اكتر اكتر اكتر

11- كتاب حياتك عبر عنه في كلمات معدوده ؟
وانا صغير كنت ملك زمانى كل حاجة متوفرة وكدا مرحله الابتدائى غم فى غم
مرحله الاعدادى كل الصياعه والضرب والاحساس بالظلم الدائم
لدرجه انى كنت بخاف من اليوم اللى بعدة من درجه خوفى من المدرسه واللى بيحصل فيها
مرحله الثانوى
احسن مرحله
كنت شايل كل حاجة من دماغى
مرحله الكليه
مرحله الضياع لانى مش فاهم اى حاجة فى اى حاجة
12- شخص تفتقده ,, من هو ؟؟
ولاد عمى الله يرحمهم

13- قرار اتخذته وتسرعت به و بعدين ندمت عليه؟؟

ما فيش لان انا ما باخدش القرار غير لما افكر كتير
حتى الكليه بتاعتى مش ندمان انى دخلتها لان فكرت فيها كتير جدا
مش من السهل تضحك على نودا
ها ها ها ها ها ها
دة فلم رعب تانى بس ما عرفتش اعمله كويس

14- لا اسمع لا ارى لا اتكلم ,, متى تطبق هذه المقوله بحياتك ؟؟

ما بعرفش اعملها نهائى لان انا مش بحب اسكت على حاجة

15- قم بتوجيه نصائح الى خمس اعضاء قم باختيارهم انت ؟؟

ساندرا :ـ خليكى متفائله على طول هتلاقى اللى انتى عايزاة بس خدى بالك من مذاكرتك وظبطى يعنى كدا
امجد :ـ ما تتسرعش فى قرارك يا امجد وفكر لان دى حكايه طويله وانا مش هكلمك كتير فيها انت فى الاخر حر بس ما تتسرعش وتبوظ كل حاجة
شيماء :ـ واضح انك بتعدى على النت كتير يعنى ما بتخرجيش ما بتتفسحيش الله اعلم ما اعرفش انا الموضوع دة بس اخرجى واتفرجى على الدنيا دة الشارع كان امبارج جاااااااامد ولا الرشيدى كان يهبل يههههههبل
خليكى بس فى الشارع ولو حد كلمك اتصلى بيا هتلاقينى مغلق ومش هرد عليكى
نانا :ـ يا بنتى اسمعى الكلام وما تبقيش كدا والله العظيم نشوفيه دماغك دى هتوديكى فى داهيه وانا مش هتكلم معاكى فى الموضوع دة تانى
مين تانى مين تانى مين تانى
ساسو :ـ ذاكرى كويس مع انى ما اعرفكيش بس يلا اهو اسمك جه فى دماغى
ذاكرى كويس يا بنت وخليكى متوفقه علشان مش عارف بقى
بس تفوقى وخلاص
اكثر16-
شي يحرجك ؟؟
لما بابا ينصحنى انى ابطل السجاير وانا اقولوا ان شاء الله يقوللى انت بتريحنى يا مهند على العموم انت كبرت بس برضه هنصحك
يا لهوى لما يقول كدا بحس ان انا فى نااااااااااااااااار تحتيه بوتوجاز خمس عيون كمان

17- لو الزمان عاد يوما ماالشي الذي ستفعله مره اخرى ومالشيء الذي لن تفعله مره اخرى ؟؟
اللى هعمله انى مش هرجع مصر وهفضل فى السعوديه واللى مش هعمله انى ارجع مصر تانى وكنت هفضل فى السعوديه
هههههههه
يعنى فى كلتا الحالتين ما كنتش رااااااااجع

18- ملحوظه لاحظتها على عضو من الاعضاء ماهي ؟؟ ومن هو العضو ؟؟

توتا الشعنونه
دايما منظمه فى كتابتها كدا وتحس ان انت غصب عنك لازم تقراة
واغلب كلامها فى الاول ميرسى
بصراحه طريقه عجبانى اوى بس انا مرضتش اعمل زيها علشان عايزها تنفرد بالحكايه دى
يمكن انا برد عليها على طول من كتر ما انا معجب بطريقه الكتابه بتاعتها دى
يعنى من الاخر مش بترد وخلاص

19- شيء حدث بحياتك غير مجرى حياتك ؟؟

لما دخلت مدرسه السادات
هى بنت الدزمه دى اللى غيرت مجرى حياتى كلها
20- كلمة تتمنى سماعها كل يوم ؟؟

زعيييييييييييييييق امى
والله مع انها بتزعقللى بس لو عدى يوم من غير ما تزعقللى بزعل
اصلها بتزعق بطريقه بحبها برضه
يعنى انت يااااااااا وااااااااااد يا نوووووووووووودا
ما فيش فايدة يعنى لازم كل يوم اصحيك اكتر من خمسين مرة علشان تروح الكليه
اصحى اصحى اصحى يا ابنى يووووووووووووووة
طيب انا هسيبك اهو
يا ابنى قوووم بقى
طيب قوم كلم فى واحد صاحبك على التليفون
صحيت
طيب قوم بقى علشان ما اجيبش المخدة واديك بيها على دماغك اكسرهالك
كلامها عسسسسسسسسسسسسسسسسسسسسسسسل

21- هل جنس كاتب الموضوع له تأثير عليك لتضع ردا ؟؟

لا طببببببعا

22- في يدك ثلاث وردات .. هتديهم لمين ..؟؟
وردة لماما
ووردة لامجد
ووردة ليا انا
اصل انا بحب الورد برضه فهطمع فيها

23- سؤال للاولاد " ماذا يعجبك في البنت ؟؟ "؟؟ "

1-انها تكون روشه مش روشه يعنى مش محترمه لا يعنى بتضحك كتير وكدا يعنى

2- انها تكون بتحبنى بجد وبتخاف عليا

3 - تكون بتصلى وبتصوم وبتعمل كل فرود ربنا

4 - انها تكون لابسه ترحه يعنى مش منقبه ولا مسيبه شعرها ودى عندى مهمه اوى ما تسيبش شعرها اصل بحب انا اللى اشوفه بس
هههههههههههههه

5- مش شرط تكون متفوقه بس تكون كويسه فى التعليم يعنى

6- ما تكونش خنقه ما تخنقنيش زى الغيرة الزيادة وما تفرضش رايها عليا لان انا الراجل مش كدا ولا ايه

7 - ما تكونششششششش تخيييييييييينه لان انا مش معقول هبقى رياضى واخد واحدة تخينه هفرقعها على طول والله
بس
انا كدا حليت كلوا
وحسابى معاكو بعدين كدا ما تقولوليش على انكوا عاملين لعبه الصاحه ماشى ماشى ماشى

[b]
****************************************************
no love no tears when you find the love you will find the tears[/b]

يخربيت بيتكيا مهند
انت والله عسل فى اجاباتك
فنان

هههههههههههههههههههه ايه الحلاوة دى يا نودا بس على فكره بص فى الرسايل الخاصه هتلاقينى باعتلك رساله عشان الموضوع دا عشان متظلمنيش بس ربنا يخليك يا رب و نصايحك وصلت يا حبيب قلبى

ma3lesh ba2a sorry el rad bte3y met2a5ar chewaya
bas ento 3arfin ba2a el mozakra w bla bla bla ma3alina ne5och fel mawdou3

1 - ياورد مين علمك تجرح ,,, تهدى العبارة دى لمين ؟؟

للناس اللى بحبهم اوى و اتجرحت منهم

2 - اعتذار الرجل للمرأه ذل أم احترام للذات ؟؟

لا ابدا ذل ايه انا مش شايفة انو ذل و لا ضعف ده لو الاتنين بيحبو بعض و غلط فى حقها المفروض انو يعتذر ما المراة لما تعتذر ما بتفكرش انو ذل و زى ما المثل بيقول الاعتراف بالحق فضيلة

3
- هل بحياتك قصة حب الان ؟؟

قصدك مرتبطة يعنى اااااااه اكيد بالثانوية طبعا هو فى غيرها

4 - هل ترى ان الحب الاول ناجح ام فاشل ؟؟

الحب الاول اكتر حاجة بيفشل يمكن عشان بييجى فى فترة المراهقة ربنا يخدها يا رب بس ممكن ينجح

5 - رتب هذه الكلمات على حسب اهميتها عندك المال - الحب - الصديق - المستقبل المهني - العائلة !!!!

المستقبل المهنى/الحب/العائلة/المال

6 - غمض عينك دقيقه وتخيل قبلها انك صاحب الموقع ايه هو اول قرار هتاخده ؟

ممممم هادى ترقية لصاحب الموضوع

7
- ايه رايك فى الغيره ؟

الغيرة لازمة لو مفيش غيرة مفيش حب بس المهم انها ما تزيدش عن حدها لانها ساعتها هتبقى شك و قلة ثقة و بلاوى زرقة

8- تقول ايه للى ظلمك ؟؟

حسبى الله و نعم الوكيل

9- سر لاول مره تقوله لنا هنا ؟؟

ماما عايزانى اخش كلية طب و انا عايزة هندسة بس مش قادرة اواجها و لا اقلها حاجة

10
- وجه نقد لكاتب الموضوع ؟؟

ايه الموضوع البايخ ده انا مش عارفة ايه ده و ايه الخط ده على فكرة الالوان وحشة خاااااااالص و بلدى و بيئة اوىىىىى ههههههههههههههههه بهزر معاك متزعلش مش هوجه اى نقد لان الموضوع جامد

11- كتاب حياتك عبر عنه في كلمات معدوده ؟؟
كتاب حياتى لسه فى طور الكتابة
احلا حاجة الطفولة
لما كنت صغيرة كنت شقية مووووووووت و مطلعة عينهم غصب عنى و الله دى حاجة فى دمى
بحب الموسيقى اوى بس دلوقتى ما بقتش قادرة امسك الجيتار اصلا و ده كلو من ورا الثانوية ربنا يبتقم منها يا رب بس على قد ما هيا وحشة على قد ما هيا حلوة الحاجة الوحشة بس انها مطلعة عينى بالمزاكرة

12
- شخص تفتقده ,, من هو ؟؟
جدى الله يرحمو لانى كنت بحبو اوى

13
- قرار اتخذته وتسرعت به و بعدين ندمت عليه؟؟
انى ما ودعتش اعز صديقة ليا لما سافرت مش عارفة ليه بس ساعتها ما قدرتش

14- لا اسمع لا ارى لا اتكلم ,, متى تطبق هذه المقوله بحياتك ؟؟

لا اطمن انا دايما بسمع و ارى و اتكلم و الحمد لله دول بس مقدرش ما عملهمش

لا بس المقولة دى بطبقها لو فى حد امنى على حاجة او قلى حاجة يعنى ضرورى و لازم اطبقها

15- قم بتوجيه نصائح الى خمس اعضاء قم باختيارهم انت ؟؟
nana @ fatal tears ربنا يوفقكم و ينولكم اللى فى بالكو خلو بالكو من بعض انا فهمت انكو بتحبو بعض و ربنا يوفقكم يا رب
no love انا كنت عايزة اقلك اللى باعك بيعو و ما تبكيش عليه و لا تضايق نفسك عشانو افتكر دايما انو خاين و غدار و جرحك جاامد و انو مش الانسان اللى بتدور عليه ما تخليش بنت زى اللى عرفتها تاثر عليك و على حياتك الحمد لله الدنيا لسه بخير و بكرة تقابل اللى تستاهلك و تكون احسن منها عمرك ما تبص وراك
اللى فات انساه و ابتدعى من تانى و افتكر ان لسه فى بكرة و ربنا يوفقك
saso ربنا يوفقك يا جميل خلى بالك من دراستك و من نفسك و انتى عسولة و دمك خفيف ربنا يخليكى يا
رب

ساندرا ربنا يوفقك انتى كمان عسولة و ده باين من مواضيعك و ردودك ربنا يوفقك يا جميل

و ربنا يوفق جميع الاعضاء

16- ماهو اكثر شي يحرجك ؟؟

انا اكتر حاجة بتحرجنى لما بتعاكس دى بقى بدايقنى اوى و بتحرجنى كتير او لما حد يقعد يقولى ما شاء الله على الجمال او انتى حلوة و كدة يعنى الكلام ده بيخلينى امووت من الخجل

17- لو الزمان عاد يوما ماالشي الذي ستفعله مره اخرى ومالشيء الذي لن تفعله مره اخرى ؟؟
مش هزعل ماما ابدا لانى فعلا بدايق لما تزعل منى

18- ملحوظه لاحظتها على عضو من الاعضاء ماهي ؟؟ ومن هو العضو ؟؟

يمكن الفرعون العاشق بحس انو وحيد و مش مندمج خاااااااالص

19
- شيء حدث بحياتك غير مجرى حياتك ؟؟
لما اتولد اخويا الصغير اللى بموت فيه حسيت انو ملا عليا الفراغ اللى كان جوايا لانو ده اخويا الوحيد ربنا يخليه يا رب

20
- كلمة تتمنى سماعها كل يوم ؟؟

دعوة خير من ماما

21- هل جنس كاتب الموضوع له تأثير عليك لتضع ردا ؟؟

لا مش دايما
22- في يدك ثلاث وردات .. هتديهم لمين ..؟؟

لصاحب الموضوع و لحبيبتو اللى زى العسل ما انتو واحد

saso

no love
ايه مفيش وردة تانية ليا انا حراام انا بموت فى الورد على فكرة فى وردة مش مسامحة فيها ههههههههههه
23- سؤال
للبنات " ماذا يعجبك في الرجل ؟؟ "

بحب انو يكون متدين و يعرف ربنا كويس

و بحب فيه اخلاقه و حنيتو و خوفو عليا

و كمان انو يكون مهضوم و دمو خفيف عشان انا بحب الهزار اوى و مبحبش انو يكون تقيل

شخصيته قوية تكون فيه كل ملامح الرجولة

تقريبا ده كل شى

مرسى اوى ليك على الموضوع ده و مرسى لكل اللى نصحنى اكيد دراستى اهم حاجة

و يا رب اجيب مجموع كويس جدا

اولا شكرا على الترقيه يا قمر

ثانيا ربنا يخليكى على النصيحه و على الوردة

ثالثا شكرا على مرورك و على ردودك الجميله و ان شاء الله تدخلى كلية الهندسه اللى انتى بتحبيها بلا طب بلا نيله مبتجبش همها و الله بس انتى شدى حيلك فى المذاكره بس و ربنا يوفقك

شكرا يا مهند على نصيحتك بس انا بخرج كثير بصراحه الواحد بعد ما اخلص بقى ما يحبش يعقد

فى البيت وخاصه كمان بعد وفاه والدى انا كمان بحب الخروج اوى والفسح والرحلات نادرا اما تلقينى فى البيت

شكرا لكى يا عسل على نصحتك والوردة

والوردة الجايه اكيد مش هتغلى عليكى يا عسل
ومتزعليش
هاهديلك بوكيه ورد

ميرسي ليكى يا شيماء على نصيحتك وهاحاول صدقينى

وميرسي ليك يا مهند ع النصيحه وهاعمل بيها ان شاء الله

وانتى يا بنوته انتى والله اللى عسل وربنا يوفقك انتى كمان يارب

1 - ياورد مين علمك تجرح ,,, تهدى العبارة دى لمين ؟؟
-- لحبيبتى اللى مبقتش حبيبتى

2 - اعتذار الرجل للمرأه ذل أم احترام للذات ؟؟
-- دة على حسب الموقف

3 - هل بحياتك قصة حب الان ؟؟
-- ايوة ولاء

4 - هل ترى ان الحب الاول ناجح ام فاشل ؟؟
-- غالبا بيبقى فاشل

5 - رتب هذه الكلمات على حسب اهميتها عندك المال - الحب - الصديق - المستقبل المهني - العائلة !!!!
-- الحب - العائلة - الصديق - المستقبل المهنى ومش مشكلة حكاية المال دى

6 - غمض عينك دقيقه وتخيل قبلها انك صاحب الموقع ايه هو اول قرار هتاخده ؟
-- هغير شكله خالص

7- ايه رايك فى الغيره ؟
-- شئ بشع اوى ومبحبوش

8- تقول ايه للى ظلمك ؟؟
-- الله يسامحه شفت انا مسالم اوى ازاى !!

9- سر لاول مره تقوله لنا هنا ؟؟
-- مش هعرف طبعا

10- وجه نقد لكاتب الموضوع ؟؟
-- مقدرش طبعا امجد صاحبى وحبيبى وكمان مفيش نقد

11- كتاب حياتك عبر عنه في كلمات معدوده ؟؟
-- حب ثم حب ثم حب

12- شخص تفتقده ,, من هو ؟؟
-- والدى طبعا لانه سابنى وراح فى وقت كنت محتاجله اوى

13- قرار اتخذته وتسرعت به و بعدين ندمت عليه؟؟
-- مش بندم على حاجة عملتها حتى لو كنت اتسرعت فيها

14- لا اسمع لا ارى لا اتكلم ,, متى تطبق هذه المقوله بحياتك ؟؟
-- وقت الزعل

15- قم بتوجيه نصائح الى خمس اعضاء قم باختيارهم انت ؟؟
--امجد: ياخد باله من نفسه هو فاهمنى
--نهال: تاخد بالها من نفسها اكيد فهمتنى طبعا
--اسلام :اركز شوية
--مهند :متبقاش ساخر على طول
--وكفاية كدة

16- ماهو اكثر شي يحرجك ؟؟
-- انى اتدبس فى حاجة انا مش عاوز اعملها عشان انا مش هعمل حاجة مش عاوزها
17- لو الزمان عاد يوما ماالشي الذي ستفعله مره اخرى ومالشيء الذي لن تفعله مره اخرى ؟؟
-- قلت مبندمش على حاجة عملتها

18- ملحوظه لاحظتها على عضو من الاعضاء ماهي ؟؟ ومن هو العضو ؟؟
-- لا لا انا مش قوى الملاحظة اوى كدة

19- شيء حدث بحياتك غير مجرى حياتك ؟؟
-- حاجات كتير اولها غدر الناس

20- كلمة تتمنى سماعها كل يوم ؟؟
-- كفاية دعوة امى ليا

21- هل جنس كاتب الموضوع له تأثير عليك لتضع ردا ؟؟
-- لاء طبعا

22- في يدك ثلاث وردات .. هتديهم لمين ..؟؟
-- امى وامجد ونهال ...... طب مفيش وردة رابعة ليا ؟؟؟؟؟؟

23- سؤال للبنات " ماذا يعجبك في الرجل ؟؟ " سؤال للشباب " ماذا يعجبك في المرأة ؟؟ "
-- يعجبنى البنت الرومانسية طبعا

بس اية المواضيع الجامدة دى يا ابو امجد على فكرة لسا شايف الرسالة

سامح حبيب قلبى و الله نورتنى يا عم و شكرا على الاجابات الصريحه الجامده دى و شكرا على الوردة يا صاحبى

شكرا يا سامح على النصيحة الى انا مش فاهمها

بس ما علينا

بجد يا جماعة شكرااا علي النصائح دي
وهخلي بالي من مذاكرتي
ومرة تانية شكراا ليكي يا توتا وبنوته زي العسل ومهند
مهند مع اني ماعرفكش بس يلا هقبل النصيحة
ههههههههه
وشكرااا يا بنوته علي الورد ربنا يخليكي
واخيراا وليس اخيرااا
شكراا علي الموضوع الجاامد ده
تحياتي
saso

» أشياء كلنا نريدها ونحاول الحصول عليها
» حاجات متخلفه بس للاسف كلنا بنعملها
» كلنا عشاق ولكن لكل واحد وليه حكايه
» سؤال مهم جداوياريت ردددددددددددد
» سؤال وجواب في عالم الكاراتيه