منتدى أحلامنا بين الحياة والموت

بسم الله الرحمن الرحيم

الحمد لله والشكر لله
نحمده على كل نعمه وهبنا إياها
ونشكره ايضا على نعمه التفكير
الذى كثيرا ما نحتاجها فى حياتنا اليوميه ولكن لكل إنسان طاقه فى التفكير وإن وصل بالإنسان إلى هذه الدرجه من التفكير ييأس ويفقد الأمل فى شىء قد بنى عليه أماله

فالان انا مثل هذا قد فكرت وفكرت وفكرت وفكرت إلى ان وصل بى المطاف إلى لا شىء

بجد يا أعضاء ويا مشرفين ويا مديرين انا عندى حاله ملل فظيعه من المنتدى وزهقت منه كمان علشان مش شايف أى تجديد فى المضومون كل ألى موجود فى المنتدى موجود لنفسه فقط وأنا أعلم أن كل عضو بإيده إنه يدعى ناس كتيره للمنتدى لكن مفيش فايده والله المنتدى لو بقى احسن من كده انا هبدا أشتغل وأبدا أحب المنتدى من جديد
لكن الحال على ما هو عليه no change

انا والله بعاملكم كأن كل عضو فيكم هو صاحب المنتدى وعايز كل واحد يحس بكده

اكيد حاله الزهق إلى عندى يكون ليها رد فعل المنتدى مقفول لحين وضع حل مباشر ولحين وضع إقترحات ممكن تحقيقها

see you latter

يا عم محمد
لو انت ملكش نفس تدخل المنتدي
في ناس تانين بيشتغلوا ليل نهار في المنتدي
وكمان متقدرش تفتح نت من غير ماتدخل المنتدي
انا المنتدي بقي بيمثل جزء كبير في حياتي
ومينفعش ابقي مش عارف ادخل المنتدي

محمد التغير حيحصل والمنتدي شغال مش مقفول
واليومين دول الاعضاء صاحيه وشغاله كويس
وربنا يقدم اللي فيه الخير

لكن قفل المنتدي حل سلبي
ومينفعش نفضل واقفين علي الباب كده
ندخل ياعم منتدانا ونتكلم جوا ونشوف مشاكلنا
يا ريت يا محمد تفتح المنتدي

محمد يعني قففل منتدي هو دة حل
لالالالالالالالالالالالالالالالالالالالالالالالالا
لاكان مفروض نكون في نشاط اكتر من كدة
ارجو من كل الاعضاء نشاط اكثر من كدة

والله عندك حق يا كركر انا داخل المنتدي جديد ولاقي مفيش تغيير

وطلبت ان الكل يتحد علشان يملي الاقسام الفاضيه بس لا حياه لمن تنادي

وخصوصا قسم الافلام محدش عبرني وحتي قال رد فيه والكل هنا معلش

بيجري ويحب الموضوعات التافه والموضوعات القيمه زي البرامج وغيرها

محدش بيعبرهــــــــــــــــــــــــــــــــــــــــا

انا اظن ان الحل المثالي بس من غير زعل اي حد مقصر في اشرافه علي اي قسم المفرووض انك تشيله من الاشراف و اظن ان هو دا اللي مخلي المنتدي مفهووش متعه و بجد يا جماعه في مشرفين كتير اوي و ادرايين كتير اووي مقصريين بدون ذكر اسماء المفروووض ان كل شهر كركر يشووف المشرف اللي مقصر و يجط بدل منه مشرف تاني او يسيبه لو كان مظبط قسمه

و هو دا بجد الحل و انا كنت عايز اقوول كده بس كنت محرج منكم بس ادام انت هتقفل المنتدي يبقي لازم اقولك انك تقدر تظبط المنتدي من خلال ان كل مشرف يظبط قسمه

و شكرا ليك يا كركر و فكر كده كويس هتلاقي ان كلامي مظبووووووووووووووط
طبعا يا اخواتي المشرفين مش قصدي حاجه بس كل واحد يصلح من قسمه علشان المنتدي يكوون كويس لان مش معقوووووووووول كركر هيصلح كل قسم في المنتدي و هو بجد تعب معانا و لازم احنا كمان نتعب

و اعمل اللي انت شايفه صح يا كركر

اخووكم THE SNIPER

كلامك مظبوط يا عصام

يا حماعه المنتدي محتجنا
قفل المنتدي حياخرنا كتير

ومتنساش يا محمد اننا في فتره امتحانات
يعني شويه كده وبعدين المنتدي حيتظبط
بس انا مستغرب في حالات المنتدي كان نايم نةمه سودا ورايح في مصيبه ولم يقفل
اليومين دول في مواضيع جد يده في كل الاقسام وفي ردود

واحب اقول مثال لما الاهلي و الزمالك تحصل فيه كبوه بيقفلوا النادي
لاااااااااااااااااااااا طبعا
امال بيعملوا ايه
بيجيبوا مدرب جديد وبيدعموا الفريق بلاعبين جدد

بص يا محمد
انا شايف ان المنتدى المفروض ميتقفلش هقولك ليه ؟؟
بصراحة انا شايف ان المنتدى دة بقى جزء من حياتى يعنى اتعودت ادخله على طول
وحكاية التقصير فى الدخول والمشاركات دى انا شايف ان هما اشخاص محددين هما اللى بيدخلوا المنتدى وبس وباقى الاعضاء بالاسم وخلاص يعنى ازاى يكوت المنتدى فيه 250 عضو ومبيدخلوش غير 10 اعضاء بس على طول يعنى
وبالنسبة للزهق فكلنا زهقانين والله بس هنعمل اية انا مثلا بحاول الاقى حاجات جديدة اغير بيها اليوم بتاعى وانت كمان اكيد عندك حاجات جديدة تعملها

فانا شايف ان المنتدى يتفتح وبعد كدة الامور دى تتصلح باذن الله
ولا انت اية رايك يا محمد !!!!!!!!!!!!!!

ياجماعة مشكلة اني في الاعضاء كتير بيخش المنتدي بس مفيش نشاط
الاعضاء كتير دول فين وبيعملو اية في منتدي لما بيخشو

هذا كان إختبار ليس اكتر
يعنى الموضوع معروض بقاله 24 ساعه

ومفيش غير 6 أعضاء بس إلى ردوا دا بيدل ان محدش دخل الناهرده
وبيدل ايضا ان فى اعضاء دخلت وشافت الموضوع ولم تعطى له اهميه وخرجت بدون رد
ودا ألى بيحصل فى مواضيع كثيره جدا جدا
اناهفتح المنتدى تانى وبراحتكم بقه

لا حقيقي اختبار حلو لانه بين اد ايه الواحد بيحب المنتدي

معلش يا جماعه الجهاز عندى كان ضارب رامه و كان بايظ و دا عطلنى اوى بس حكايه قفل المنتدى دى طبعا مش هتحصل يا محمد لاننا كلنا شغالين و انا ياما قلت يا جماعه اللى يعرف حد يدخله معانا هنا و مفيش حد معبرنى يعنى الوحيد اللى شفته بيدخل ناس و شغال هنا سامح بس فين يا جماعه باقى الناس ما هو ما تحاولش تفهمنى ان كل واحد فينا معندوش حد على الايميل و لا له اصحاب يدخلهم يعنى و الله لو عملنا كدا المنتدى دا هيكبر و مفيش منتدى كبر من فراغ يعنى كل المنتديات الكبيرة اللى بنشوفها دى بدات بعضو و بعدين كبرت عشان اللى فيها عايزينها تكبر يا ريت تفكروا فى كلامى

الله ينور عليك يا امجد
هو دي الكلام بس يا ريت ننفذ مش يبقي كلام علي الفاضي

و الله الواحد على اد ما يقدر بيحاول يعمل اللى عليه و يا ريت مبقاش انا لوحدى يا جماعه عايزين كلنا يبقى لينا اسمنا كدا و نرفع المنتدى دا لفوق

يا كركر انا شايف انك تطرح حتى الموضوع دة يوم واحد اكيد مش هتلاقى مساهمة بالشكل الكبير افترضا حد مدخلشى اليوم دة زى مثلا وبيدخل على طول

» تجديدين رائعين فى منتدى أحلامنا
» ماالفرق بين الجواز والموت؟
» رشح نفسك لتكون مشرف بمنتدى أحلامنا
» يا شباب وبنات أحلامنا فيه بنوتة لذيذة معانا عرفوها معنى الترحيب
» تابع مع أحلامنا نتيجتك موجود كله عندنا بإذن الله كفرالشيخ"تجاره,زراعه,......