هوه شويه كلام كده بس للمدير وانتوا وزوقكم بقى في الرد

هوه الموضوع يا جماعه وبما فيه ان فيه شويه حاجاات كده في المنتدى لازم كل الاعضاء تلتزم بيها هوه مش امر بس اقتراح ولا يترفض لا يتقبل

مش هاطول عليكم

في الاول كده فيه في المنتدى مواضيع كتيييييييييييييير ماحدش قراها ولا حد عبرها برد طيب ليه؟؟
ماعلينا من السبب ايه بس انا باقول ان المواضيه دى تتحذف احسن ليه بقى عشان لو حد من الاعضاء
الجدد حب يحط موضوع واتشابه مع واحد من المواضيع دى ما يكسلش ومش يحطه او يحطه ويبقى كده
عندنا مواضيع مكرره والحكايه هتبقى ممله
ولو الفكره دى اتنفذت يبقى الحذف لا عن طريق صاحب الموضوع لا يبقى عن طريق الادراه
وانا عن نفسي هاحذف مواضيعى اللى مش ليها ردود ده بعد اذن الادراه طبعااااااا

الموضوع التانى ان ربنا يكرمك وتلاقي موضوع حلو كده وتروح تحطه في القسم بتاعه
وتروح تبص ع الموضوع تلاقيه بينـــــــــــــــــش واللى يغيظك انك تلاقى الردود زيرووو
والمشاهدات 20 ,30 على حسب ما الموضوع بيقعد
طيب اللى دخل يشاهد ده يجبر بخاطر اللى كاتب الموضوع ولو بكلمه شكر ياعم بلاش شكر
اشتمه او انقد الموضوع اعمل اى حاجه اثبت بيها وجودك

الموضوع التالت انك تلاقى مشرف على قسم معين ومش بيدخل اصلا المنتدى
طيب اشهدوا انتم يا جماعه يبقى ايه لازمه المشرف ساعتها
المفروض ان اللى يمسك الاشراف ده حد عارف مسؤولياته ايه
عشان كده ممكن تلاقي مواضيع مش في مكانها اصلا.... لا تعليق

الموضوع الرابع بقى هاقوله وامرى لله ومش عايزه حد يزعل ولا يكرهنى
ويمكن اساسا الموضوع يتحذف
بصوا بقى المنتدى ده فيه ناس كتير بتزوره وفيه مواضيع كتير فيها تجاوزات كتير
ومالهاش ايه لازمه في المنتدى بس للاسف المواضيع دى ليها ردود وممكن يكون من ضمن
الردود دى رد من المدير العام ذات نفسه مع انه المفروض كان يحذفها

الموضوع الخامس ان لو انت رديت على حد في موضوع تلاقي ان صاحب الموضوع
مش رد على ردك ده وصدقونى ده بيسبب احباط لصاحب الرد وممكن مش يرد
على صاحب الموضوع تانى في اى حاجه

انا قولت اللى عندى وافتكروا انى والله كل قصدى ان المنتدى يبقى كويس زى
باقي المنتديات اللى بادخلها وباشوفها
وامرى على الله بقى لا اتوقفت وانطردت اصلا من المنتدى
لا المدير فهم اللى انا عايزاه
وفي الاخر مش عايزه حد يزعل منى
وربنا يستـــــــــــــــــــــــــــــــــــــــــر

ميرسي اووووووووووووووووى
ع الرد وفي انتظار حل المشكلاااااااااااااات
شكرا يا محمد

اهلا يا حازم وانا ماقصدتش حد باسمه
وبعدين مشغول ربنا معاك يارب ويقويك
بس ابقى افتكرنا كا اسبوع بساعه
اظن انه مش كتير

حلت المشكله يقفل